Rasijski virusołah pradkazaŭ chutkaje skančeńnie pandemii kavidu. Ale jość adna niepryjemnaja ŭmova
Virusołah, dyrektar Centra pieradavoha vopytu hłabalnaj virusałahičnaj sietki Kanstancin Čumakoŭ sprahnazavaŭ chutkaje zakančeńnie pandemii karanavirusa. Jon nahadaŭ, što nivodnaja z epidemij nie doŭžyłasia bolš za dva-try hady.
Z suviazi z hetym śpiecyjalist vykazaŭ zdahadku, što COVID-19 moža adstupić paśla taho, jak usie pierachvarejuć na štam amikron.
Takoje mierkavańnie virusołah vykazaŭ u efiry «Radyjo Rasii», paviedamlaje lenta.ru.
Čumakoŭ nahadaŭ, što navat pandemija ispanskaha hrypu, jakaja zabrała žyćci ad 50 da 100 miljonaŭ čałaviek, skončyłasia praz dva z pałovaj hady. Pry hetym śpiecyjalist adznačyŭ, što sam virus nikudy nie dzieŭsia, a pieratvaryŭsia ŭ siezonny hryp.
Virusołah rastłumačyŭ, što tak jak u pačatku XX stahodździa vakcyn nie było, pandemija prajšła tady, kali prosta pierachvareli ŭsio. «U vyniku sfarmavaŭsia papulacyjny imunitet — statkavy imunitet, jak niekatoryja kažuć. Ciapier, u suviazi z tym, što na scenu vyjšaŭ amikron, moža, heta jak raz i jość šaniec, što heta chutka skončycca», — zajaviŭ Čumakoŭ.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?26
Kamientary