Imia pieršaha biełaruskaha šachmatnaha majstra Ŭładzisłava Siliča, raŭnaletka «Našaj Nivy», ciapier padzabytaje prafesijanałami. Mini-apytańnie, zładžanaje ŭ kuluarach Čempijanataŭ Biełarusi – 2006, pakazała, što pałova šachmatystaŭ nia čuła pra čempijona krainy 1929, 1934 i 1937 hh., a pałova – adno «niešta čuła».
Imia pieršaha biełaruskaha šachmatnaha majstra Ŭładzisłava Siliča, raŭnaletka «Našaj Nivy», ciapier padzabytaje prafesijanałami. Mini-apytańnie, zładžanaje ŭ kuluarach Čempijanataŭ Biełarusi – 2006, pakazała, što pałova šachmatystaŭ nia čuła pra čempijona krainy 1929, 1934 i 1937 hh., a pałova – adno «niešta čuła».
Papraŭdzie, bijahrafičnyja źviestki pra hetaha čałavieka skupavatyja. Navat ź imiem jość błytanina: u maskoŭskim «Šachmatnym słoŭniku» Silič nazyvaŭsia «Ŭładzimieram». Aŭtar zbornika «Biełaruskija spartoŭcy ŭ bajoch za Radzimu» (Miensk, 1985) daŭ pajaśnieńnie: Siličava žonka čamuści nie palubiła imia Ŭładzisłaŭ, i ź ciaham času šachmatyst pierajšoŭ na «Ŭładzimiera».
Naradziŭsia Silič u Estonii, u siamji biełarusaŭ, jakija nieŭzabavie viarnulisia na baćkaŭščynu. Žyŭ u Viciebsku, hulać u šachmaty navučyŭsia, najchutčej, samastojna. Naviedvaŭ šachklub na rahu Kanatnaj i Vakzalnaj. Užo ŭ pieršym čempijanacie BSSR, majučy 18 hadoŭ, zaniaŭ «bronzavaje» miesca. Paźniej prahresavaŭ naroŭni z Haŭryłam Vierasavym, Antonam Kaśpierskim i Abramam Manievičam, a časam i apiaredžvajučy ich.
U 1929 h., paśpiachova zhulaŭšy ŭ čempijanacie Sajuzu, Silič atrymaŭ hodnaść majstra – dla tych časoŭ duža redkuju. Praz kolki hod u vyniku «čystki kadraŭ» byŭ jaje pazbaŭleny, ale ŭ 1939-m, padzialiŭšy va Ŭsiesajuznym turniry kandydataŭ u majstry vysokija miescy z budučym hrosmajstram Isakam Balasłaŭskim, adnaviŭ svaje honar i hodnaść. U vajnu staŭ radystam strałkovaj dyvizii: zahinuŭ u Łatvii, pachavany ŭ vioscy Hudrany.
Aproč vystupaŭ u «klasyčnych» spabornictvach, Silič hulaŭ praź pierapisku, davaŭ seansy adnačasovaj hulni, vioŭ hurtok pry tavarystvie «Spartak», redahavaŭ šachadździeł u «Viciebskim rabočym»… Karaciej, šmat zrabiŭ dla razvoju šachmat u krainie. Chiba tolki kampazycyjaj nie zajmaŭsia.
U Biełarusi arhanizujucca memaryjały Vierasava, Kułahi, inšych šanavanych hulcoŭ. Voś ža, i Silič zasłužyŭsia, kab jaho imiem nazvali turnir. A mahčyma, i šachmatny klub u Viciebsku.
❏
Jak by vy zhulali?
I.Zubaraŭ – U. Silič. Chod čornych.
Adkaz: 1…b5! 2. Fb5 Cd7 3. Fb3 Tb8 4. Fs2 Tc8 5. Fb3 Fa5. Koštam viernutaj pieški čornyja dabilisia pazycyjnaj pieravahi, jakuju realizavali praz tuzin chadoŭ.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5
Kamientary