Siudy varta zavitać padčas vandroŭki ŭ Polšču.
Na samaj poŭnačy Polščy, pry miažy z Kalininhradzkim anklavam, na Suvalščynie, jość nievialičkaja miaścina Stančyki, jakaja štohod ściahvaje da sabie tysiačy j tysiačy turystaŭ. Z usioj Polščy, dyj z zamiežža, ludzi jeduć pahladzieć na kanstrukcyju čyhunačnaha mosta z pačatku XX stahodździa, jakuju niekatoryja ličać budaŭničym cudam, pa pamierach paraŭnalnym chiba što z mahutnymi ehipieckimi śviatyniami.
Pabudavanaja niemcami i ŭ asnoŭnym užyvanaja dla pieravozu lesu čyhunka nie pieraniesła dźviuch suśvietnych vojnaŭ i pryjšła ŭ zaniapad, parosšy lesam. Kali b nia ŭražvalnych pamieraŭ most, što malaŭniča ŭploŭsia ŭ miascovy pejzaž, Stančyki mahli b nazaŭsiody źniknuć z mapaŭ.
Pa darozie da Stančykaŭ ź Biełarusi možna prajechać praz zasielenaje biełarusami Padlašša i Mazurskija aziory ź ich znakamitymi kurortami.
Kamientary