Palikliniki ŭ rehijonach pierachodziać na štodzionny režym pracy: u vychadnyja možna budzie navat vyklikać doktara na dom
U Breście źmianiajecca režym pracy paliklinik: ciapier jany buduć prymać pacyjentaŭ i pa vychadnych. Takoje rašeńnie pryniataje ŭ suviazi z rostam kolkaści zachvorvańnia na COVID-19 i siezonnym uzdymam VRVI, rastłumačyŭ staršynia Bresckaha harvykankama Alaksandr Rahačuk.
Novaŭviadzieńnie pačnie dziejničać užo ŭ nastupnyja vychadnyja — 5 i 6 lutaha. U suboty i niadzieli palikliniki buduć prymać pacyjentaŭ da 18 hadzin. Možna budzie vyklikać doktara na dom.
Zhodna z zahadam hałoŭnaha ŭrača Bresckaj centralnaj haradskoj palikliniki Siarhieja Klaŭsa, taki hrafik budzie dziejničać da taho času, pakul epidemijałahičnaja situacyja ŭ horadzie nie narmalizujecca.
Raniej stała viadoma, što anałahičnyja miery byli pryniatyja i ŭ Homieli.
Pavodle źviestak Ministerstva achovy zdaroŭja, za apošnija sutki ŭ Biełarusi zarehistravanyja 3634 novyja vypadki COVID-19. Heta samy vialiki pakazčyk za ŭvieś čas pandemii.
Kamientary