ZŠA ŭviali vizavyja abmiežavańni ŭ dačynieńni da niekalkich aficyjnych asob Biełarusi za ich dziejnaść, nakiravanuju suprać dysidentaŭ. Ab hetym paviedamlajecca ŭ zajavie dziaržsakratara ZŠA Entani Blinkiena, raspaŭsiudžanaj 4 lutaha.
Proźviščy ludziej, jakija trapili pad sankcyi, nie nazyvajucca. Adnak u zajavie paviedamlajecca, što vizavyja abmiežavańni zakranuć hramadzian Biełarusi, jakija majuć dačynieńnie da «surjoznaj dziejnaści, nakiravanaj suprać dysidentaŭ, jakaja ažyćciaŭlałasia pa-za nacyjanalnaj jurysdykcyjaj», a taksama zhadvajecca vypadak ź biełaruskaj lohkaatletkaj Kryścinaj Cimanoŭskaj, z-za incydentu na Alimpijadzie ŭ Tokia.
«Złučanyja Štaty vitajuć namahańni Biełaruskaha fondu spartyŭnaj salidarnaści ŭ padtrymcy i abaronie pravoŭ spartoŭcaŭ va ŭmovach žorstkich represij režymu Łukašenki ŭ dačynieńni da biełarusaŭ unutry krainy i za jaje miežami. My vykazvajem salidarnaść ź Cimanoŭskaj i ŭsimi, chto sutyknuŭsia sa sprobami režymu zahłušyć krytyku», — paviedamlajecca ŭ zajavie Dziarždepa.
U Dziarždepartamiencie TASS rastłumačyli, što proźviščy fihurantaŭ hetaha śpisu nazyvacca nie buduć.
«Hetyja miery — častka kompleksnych namahańniaŭ pa praduchileńni i reahavańni na akty transnacyjanalnych represij z boku luboha ŭrada, jaki pieraśleduje žurnalistaŭ, aktyvistaŭ i dysidentaŭ», — havorycca ŭ zajavie Dziarždepartamienta.
Ustanova vykazała svaju padtrymku narodu Biełarusi i jašče raz zaklikała ułady krainy vyzvalić usich palitviaźniaŭ, pačać dyjałoh sa svaimi palityčnymi apanientami i spynić represii suprać hramadzianskaj supolnaści, niezaležnych ŚMI, apazicyi, spartoŭcaŭ, studentaŭ, jurystaŭ i pradstaŭnikoŭ inšych prafiesij.
«My praciahniem pracu ź mižnarodnaj supolnaściu, kab pryciahnuć da adkaznaści ŭsich adkaznych za represii i parušeńni pravoŭ čałavieka ŭ Biełarusi», — havorycca ŭ zajavie Dziarždepa.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie8
Kamientary