Kreml raniej zajaviŭ, što bačyć vysokuju pahrozu vajskovaha nastupu Ukrainy na Danbasie. Hałoŭnakamandujučy Uzbrojenymi siłami Ukrainy paviedamiŭ, što Kijeŭ nie raspracoŭvaje padobnych płanaŭ: «Pavinien supakoić i prezidenta Rasii, i žycharoŭ Rasii».
Ukraina nie raspracoŭvaje jakich-niebudź płanaŭ pa praviadzieńni vajennaj apieracyi abo ŭvodzie vojskaŭ na Danbas i ŭ Krym, zajaviŭ u efiry kanała «1+1» hałoŭnakamandujučy Uzbrojenymi siłami krainy Valeryj Załužny, paviedamlaje RBK.
«Pavinien supakoić i prezidenta Rasii, i žycharoŭ Rasii — nijakich rasparadžeńniaŭ, nijakich razmoŭ pra toje, kab płanavać vajskovuju apieracyju dla ŭvachodžańnia na časova akupavanuju terytoryju Łuhanskaj i Danieckaj abłaściej abo časova akupavany Krym nie viałosia», — skazaŭ hałoŭnakamandujučy USU.
U kancy studzienia pres-sakratar prezidenta Rasii Dźmitryj Piaskoŭ zajaviŭ, što Maskva bačyć prykmiety mahčymaha nastupu ukrainskaj armii na Danbasie. Ź jaho słoŭ, ukrainskija ŭłady kancentrujuć «vielizarnuju kolkaść sił i srodkaŭ» na miažy z tak zvanymi Danieckaj i Łuhanskaj respublikami, što «kaža ab padrychtoŭcy da nastupalnych dziejańniaŭ». Akramia taho, miarkuje Piaskoŭ, pastaŭka zachodniaj zbroi va Ukrainu «lišni raz natchniaje haračyja hałovy ŭ Kijevie dla pačatku hetaj apieracyi».
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie8
Kamientary