Siońnia startuje Alimpijada ŭ Piekinie. Zapalić alimpijski ahoń abiacajuć niezvyčajnym sposabam
Siońnia, 4 lutaha, u Piekinie aficyjna adkryjucca XXIV zimovyja Alimpijskija Hulni. Uračystaja cyrymonija projdzie na Nacyjanalnym stadyjonie kitajskaj stalicy. Pačatak a 15-j hadzinie pa minskim časie.
Prahrama mierapryjemstva trymajecca ŭ strohim sakrecie, ale arhanizatary abiacajuć ździvić hledačoŭ supiersučasnymi technałohijami i śpiecefiektami. Viadoma, što va ŭračystym šou vystupiać kala troch tysiač udzielnikaŭ. Kiravać cyrymonijaj, jak i na Letnich piekinskich hulniach 2008 hoda, budzie viadomy kinarežysior Čžan Imou, jaki byŭ trojčy naminavany na «Oskar», paviedamlaje «Presboł».
Kulminacyjaj stanie zapalvańnie čašy z alimpijskim ahniom, što budzie zroblena najbolš niestandartnym sposabam za apošniaje stahodździe. Asnoŭnymi temami cyrymonii buduć ekałohija, mir va ŭsim śviecie, alimpijskija pryncypy, a hałoŭnaj kancepcyjaj — adziny los čałaviectva.
Talismanam Piekinskaj Alimpijady źjaŭlajecca panda Bin Duńduń. Cyrymonija adkryćcia pačniecca ŭ 15.00 pa minskim časie i budzie tranślavacca ŭ pramym efiry telekanała «Biełaruś 5».
Spabornictvy Alimpijady-2022 projduć na 25 abjektach, raźmieščanych u troch kłastarach, u Piekinie, Čžancziakou i Jańcynie. Miedali buduć razyhranyja ŭ siami vidach sportu, u 109 dyscyplinach.
Biełaruskija atlety vystupiać u šaści vidach sportu: bijatłon, harnałyžny sport, łyžnyja honki, kańkabiežny sport, fihurnaje katańnie, frystajł.
Čytajcie taksama:
Kavid, kancłahiery, ekanamičny kryzis, dypłamatyčny bajkot i rasijska-ŭkrainski kanflikt. Śviet z tryvohaj čakaje piekinskaj Alimpijady
Honar za frystajł i bijatłon dy hulni pad BČB. Jak raniej Biełaruś vystupała na zimovych Alimpijadach i čaho čakać ciapier?
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie8
Kamientary