Rasijskaja Asacyjacyja mižnarodnych aŭtapieravozčykaŭ (ASMAP) paskardziłasia namieśniku ministra zamiežnych spraŭ RF Andreju Rudenku na doŭhija čerhi ŭ punktach propusku na miažy Biełarusi ź ES.
Kopiju zvarotu pieravozčyki dasłali ŭ redakcyju Zerkalo.io.
Asacyjacyja mižnarodnych aŭtamabilnych pieravozčykaŭ piša ab šmatlikich skarhach kiroŭcaŭ fur «u suviazi z terminami pierasiačeńnia biełaruskaha ŭčastka miažy ź ES, jakija pavialičyilisia sa śniežnia 2021 hoda».
Pa ich słovach, elektronnaja čarha ŭ punktach propusku niedastatkova pradumanaja i tolki paharšaje situacyju. Tak, zapis u jaje adkryvajecca za 14 sutak da pierasiačeńnia miažy, i ŭsie miescy branirujucca za niekalki chvilin. U vyniku rasijskim pieravozčykam prychodzicca stajać u paradku žyvoj čarhi. U apošni čas termin čakańnia składaje da 7 sutak. Da taho ž aŭtamabili biełaruskich transpartnych kampanij u šerahu vypadkaŭ afarmlajucca pa-za čarhoj, piša ASMAP, što pryvodzić da kanfliktaŭ pamiž kiroŭcami.
U liście Asacyjacyja pakazvaje na prablemu z boku niepasredna biełaruskaj miažy: pa ich słovach, pry prapusknoj zdolnaści punkta «Kamienny Łoh» u 500 mašyn u sutki, tam afarmlajuć tolki 300—400 fur.
Peŭnaj prablemaj stała i ŭviadzieńnie Biełaruśsiu navihacyjnych płombaŭ pry ŭvozie tavaru ź Litvy abo Polščy. Heta pryviało da značnych finansavych vydatkaŭ: jak na sami płomby (kala 115 jeŭra), tak i ŭ suviazi z prastojem pry ŭjeździe ŭ biełaruskija punkty propusku.
Mnohija kiroŭcy, piša asacyjacyja, nie vytrymlivajuć takoha vymotvajučaha režymu pracy i zvalniajucca. ASMAP prosić MZS RF dapamahčy z urehulavańniem situacyi i nakiravać adpaviedny zvarot u kampietentnyja biełaruskija orhany.
Nahadajem, raniej pryčynu takich čerhaŭ u DPK tłumačyli tym, što krainy-susiedzi «nie ŭ poŭnaj miery vykonvajuć abaviazki pa propusku hruzavikoŭ praź miažu». Tak, pa źviestkach viedamstva, 28 studzienia polskija pamiežniki aformili tolki 62% fur ad normy, litoŭskija — 70%, łatvijskija — 85%.
Na hety momant u čarzie na miažy na vyjezd u ES znachodzicca bolš za 4380 fur.
Kamientary