«Žudasnaja biezdapamožnaść». U źniavolenaj žurnalistki «Tutbaj» Volhi Łojki pamior baćka, a siastra prajšła ciažkoje lačeńnie
Hałoŭny redaktar palityka-ekanamičnaha błoka «Tutbaj» Volha Łojka ŭ liście na volu raspaviała, što padčas źniavoleńnia ŭ jaje pamior baćka, a siastra prajšła ciažkoje lačeńnie. Volha znachodzicca za kratami z 18 maja, kali siłaviki pryjšli ŭ ofis partała i ŭ kvatery supracoŭnikaŭ. Tady byli aryštavanyja 15 čałaviek, razam z hałoŭnym redaktaram Marynaj Zołatavaj, žurnalistkaj Alenaj Tałkačovaj i hiendyrektaram Ludmiłaj Čekinaj.
«Vielmi razumieju vaš bol. U mianie, pakul ja tut, pamior baćka, a staršaja siastra prajšła vielmi składanaje lačeńnie, jakoje raściahnułasia na 8,5 miesiaca. I kožny dzień, kožny list — na niervach, na viečnym pačućci viny, što ŭžo nie nahnać. I hetaja žudasnaja biezdapamožnaść, niemahčymaść nie toje što dapamahčy, ale navat narmalna padtrymać.
Tak, navat u strašnyja časy mahčymy i aptymizm, i humar. A bieź ich nijak. Žyćcio praciahvajecca, a smutak — śmiarotny hrech. Značyć, treba tryvać. Nie pamiataju, ci cytavała vam pieračytanaha tut załpam «Hrafa Monte-Krysta», samuju kancoŭku: «Usia čałaviečaja mudraść zaklučanaja ŭ dvuch słovach: čakać i spadziavacca». I vieryć, viadoma. Sił i mudraści!»
Za kratami Volha znachodzicca ŭžo bolš za vosiem miesiacaŭ.
Padtrymać jaje listami možna pa adrasie: SIZA-1, 220030, h. Minsk, vuł. Vaładarskaha, 2 (Volha Antonaŭna Łojka).
Čytajcie taksama:
Try nadziejnyja sposaby padtrymać viaźniaŭ — rajać žonki i mužy źniavolenych
«Zachoŭvać žalezny spakoj» — Skurko z turmy
«Dabranač kažam pa-turecku». Jahor Marcinovič raskazaŭ pra pobyt za kratami
«Nočču ty zaŭsiody doma». Źniavoleny žurnalist Aleh Hruździłovič napisaŭ, čamu viaźni nie lubiać ranicu
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK1
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka87
Kamientary