«Chočacie za sutki zarabić sotniu dalaraŭ?» Biełarusam prapanujuć sumnieŭny zarobak
U Onliner.by napisaŭ Siarhiej pra toje, što jamu ŭ asabistyja paviedamleńni «UKantakcie» pryjšła prapanova lohka i chutka zarabić $100 za dzień. Dla hetaha mužčyna pavinien źjeździć u Pieciarburh (kvitki na ciahnik apłačvaje arhanizatar pajezdki) i tam sioje-toje zrabić.
Niejkaja Lilija napisała Siarhieju, što jana pradstaŭlaje sietku śpiecyfičnych abmieńnikaŭ, joj patrebnyja bankaŭskija karty dla pieravodu kryptavalut: «Nabirajem ludziej dla kamandzirovak u Sankt-Pieciarburh dla adkryćcia debietavych kart rasijskich bankaŭ. <…> Uviečary vyjazdžajecie — ranicaj u Sankt-Pieciarburhu, nazad ŭviečary ŭ toj ža dzień. Zarobak $100 harantavana + apłačvajem darohu ŭ abodva baki».
Pa idei, arhanizatar pajezdki adkryvaje bankaŭskija karty tym, chto pahadziŭsia źjeździć u Pieciarburh. Navošta heta? «Pa hetych kartach u nas prachodziać pieravody pamiž fizičnymi asobami pa kryptavalucie. Usie abmieńniki pracujuć u napaŭaficyjnym režymie. My prosta prymajem hrošy na karty i adpraŭlajem kryptavalutu pakupnikam».
Čamu dla hetaha źviartajucca mienavita da biełarusaŭ?
«Biełarusam vielmi dobra adkryvajuć karty, bieź lišnich pytańniaŭ. U tych ža samych rasijan hladziać vypiski pa daŭhach, alimientach, bazu prystavaŭ, padatkovuju i h.d., a ŭ mnohich sapsavanaja hetaja historyja, i bank nie adkryvaje im karty. A ŭ hramadzian RB jany nie mohuć pravieryć usio heta, bo niama dostupu da baz. Tamu i supracoŭničajem ź ludźmi z RB»»
Onliner.by spytaŭ u ekśpierta pa ličbavych valutach Trafima Jaromienki, čym pahražaje adkryćcio takich kart dla pieravodu kryptavalut.
— Miarkuju, heta ašukanskaja schiema, jana nie maje nijakaha dačynieńnia da kryptavalut. Mahčyma, potym na ludziej, jakija pahodziacca adkryć karty ŭ Rasii i addać ich za $100, buduć afarmlać kredyty. Biełarusam jak raz płanujuć dazvolić kredytavacca ŭ rasijskich bankach, — rastłumačyŭ ekśpiert.
Taksama źviestki karty mohuć vykarystoŭvać telefonnyja ašukancy, jakija afarmlajuć anłajn-kredyty i potym pieravodziać skradzienyja sumy na niejkija inšyja karty. Mienavita dla taho, kab na ašukancaŭ nie vyjšła milicyja, jany vykarystoŭvajuć davierlivych ludziej, jakija kaliści pahadzilisia za $100 aformić na siabie kartku i pieradali jaje trecim asobam.
Žycharu Baranavičaŭ trapiŭsia na placoŭcy abjaŭ viasioły machlar. Voś jakaja ŭ ich atrymałasia pierapiska
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie8
Kamientary