«U propusku ŭdzielničajuć dva baki». DPK adkazaŭ na pretenzii rasijskich pieravozčykaŭ z-za doŭhich čerhaŭ na miažy ź JeC
Dziaržpamiežkamitet zajaviŭ ab niedatyčnaści Biełarusi da ŭtvareńnia šmatkiłamietrovych čerhaŭ z fur na miažy ź JeC i nahadaŭ, što «ŭ pracesie propusku praź dziaržaŭnuju miažu ŭdzielničajuć abodva baki».
U Dziaržaŭnym pamiežnym kamitecie adznačajuć, što vyjezd hruzavikoŭ ź Biełarusi mahčymy tolki ŭ vypadku ich propusku sumiežnym bokam na svaju terytoryju, piša Zerkalo.io.
Taksama viedamstva pryvodzić źviestki ab rabocie pamiežnikaŭ susiednich ź Biełaruśsiu dziaržaŭ. Pa słovach DPK, za minułyja sutki polskija kantrolnyja słužby aformili tolki 64% aŭtamabilaŭ ad ustanoŭlenaj normy. 36% vialikahruzaŭ, jakija pavinny byli ŭ hetyja sutki pierasiekčy miažu ŭ adpaviednaści z dvuchbakovymi pahadnieńniami, supracoŭniki polskich pahranpierachodaŭ paprostu nie prapuścili.
U Litvu za apošnija sutki trapiła 75% hruzavikoŭ ad prapusknoj zdolnaści. U toj ža čas łatvijski bok, zajaŭlaje DPK, u poŭnym abjomie vykanaŭ damoŭlenaści pa propusku.
Nahadajem, raniej rasijskaja Asacyjacyja mižnarodnych aŭtamabilnych pieravozčykaŭ (ASMAP) zajaŭlała ab šmatlikich skarhach kiroŭcaŭ fur «u suviazi z pavieličeńniem sa śniežnia 2021 hoda terminaŭ pierasiačeńnia biełaruskaha ŭčastka miažy ź ES». Pa danych ASMAP, u apošni čas termin čakańnia na miažy składaje da siami sutak. Asacyjacyja pakazvała na prablemu z boku niepasredna biełaruskaj miažy, śćviardžajučy, što pry prapusknoj zdolnaści punkta «Kamienny Łoh» u 500 mašyn u sutki, tam afarmlajuć tolki 300-400 fur.
-
Mierc choča vypravić z Hiermanii dachaty 80% siryjcaŭ. Jaho ŭžo mocna raskrytykavali
-
«Rasija ciśnie na ZŠA». Zialenski raskryŭ novyja terminy, pastaŭlenyja rasijanami dla zachopu Danbasa
-
Jeŭrapiejskija krainy abmiažoŭvajuć vykarystańnie svajoj pavietranaj prastory dla samalotaŭ, jakija vajujuć u Iranie
Kamientary