Z «chimii» źbieh jašče adzin palitviazień. Pierad hetym źjavilisia foty ŭmoŭ, u jakich asudžanyja pracujuć
Arciom Miadźviedski, jaki byŭ asudžany na try hady chimii za «hrubaje parušeńnie paradku», źbieh z chimii ŭ Bresckaj vobłaści, paviedamiŭ «Miedyjazonie» jaho znajomy. Adbyłosia heta niekalki dzion tamu. Dzie ciapier Miadźviedski, nieviadoma.
Za niekalki dzion da ŭciokaŭ u adnym z telehram-kanałaŭ było apublikavanaje fota brudnaha karoŭnika, a taksama trupy karoŭ, jakija lažali ŭ łužynie.
Zdymki byli zroblenyja na adnoj ź fierm kompleksu «Biełaviežski» ŭ vioscy Suški ŭ Kamianieckim rajonie. U hetym ža kompleksie pracavaŭ Miadźviedski.
Taksama paviedamlałasia, što administracyja hetaj papraŭčaj ustanovy ciśnie na «palityčnych» źniavolenych fizična i psichałahična, jany majuć prablemy z atrymańniem miedycynskaj dapamohi.
«Ludziam prosta nie dajuć prysieści padčas pracoŭnaj źmieny. Usiudy pastavili kamiery nazirańnia. Zarobak u ludziej nievysoki. Ludzi pracujuć z surjoznymi supraćpakazańniami pa stanie zdaroŭja», — paviedamlaje «Radyjo Svaboda» sa spasyłkaj na svaje krynicy.
Palitviaźni ŭ dadatak da inšych abmiežavańniaŭ stajać na «prafiłaktyčnym uliku». Heta značyć, nie mohuć nikudy vyjści biez kanvoju, źjeździć dadomu. Spatkańnie ź blizkimi — tolki na terytoryi «chimii».
Arciom Miadźviedski ŭ vyniku trapiŭ u balnicu, ź jakoj ŭciok. Dzie jon ciapier, nieviadoma.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary