Niderłandskaja avijakampanija KLM spyniła paloty ŭ Kijeŭ, jaje samaloty pierastanuć pierasiakać ŭkrainskuju pavietranuju prastoru. Pra heta stała viadoma ŭ subotu z paviedamleńnia kampanii. Admiena palotaŭ adbyvajecca na fonie abvastreńnia situacyi na miažy Ukrainy i Rasii.
Najbližejšy palot u Kijeŭ byŭ zapłanavany na noč niadzieli, 13 lutaha.
U avijakampanii rastłumačyli, što pastanova ab spynieńni palotaŭ była pryniataja paśla taho, jak MZS Niderłandaŭ prysvoiŭ Ukrainie čyrvony ŭzrovień niebiaśpieki pajezdak i rekamiendavaŭ hramadzianam karaleŭstva admovicca ad naviedvańnia krainy. Pieravozčyk nie paviedamiŭ, kali płanuje adnavić paloty.
Za apošnija sutki kala 30 krain vystupili z zaklikami da hramadzian pakinuć Ukrainu abo ŭstrymacca ad pajezdak tudy. Siarod ich — ZŠA, Vialikabrytanija, Turcyja, Aŭstralija, Novaja Ziełandyja, Narviehija, mnohija krainy Jeŭrasajuza, uklučajučy Hiermaniju, Niderłandy i Italiju, Izrail, Paŭdniovaja Kareja, Kanada, Maroka, Iardanija, Kuviejt.
Čytajcie taksama:
Ci mahčymaje ŭvarvańnie Rasii va Ukrainu? Jakija pierśpiektyvy jaje nastupleńnia
Pahroza ŭvarvańnia Rasii va Ukrainu pavinna chvalavać kožnaha. Historyk Juval Noj Charary — pra toje, što čałaviectva moža stracić
Zamiežniki źjazdžajuć, ale Zachad nie hublaje nadziei na dypłamatyčnaje vyrašeńnie ŭ apošni momant. Što viadoma pra mahčymy napad Rasii na Ukrainu?
Łukša raskazaŭ, jak sustreŭsia ŭ adnoj kamiery z Pačobutam. I pieradhistoryju ich daŭniaha kanfliktu6
Kamientary