Ci možna biełarusam z novym siertyfikatam ab vakcynacyi jechać u Rasiju biez PŁR? Nie ŭsio tak prosta
Kab trapić u Rasiju, turysty ź Biełarusi, Kazachstana, Armienii, Azierbajdžana, Kyrhyzstana, Małdovy, Tadžykistana i Uźbiekistana pavinny skarystacca prahramaj «Padarožničaju biez COVID-19». U jaje zahružajucca vyniki PŁR-testa. Jak pracuje sistema i ci dazvolić jana skarystacca QR-kodami, jakija dziejničajuć u rasijskich haradach, pišuć «Minsk-naviny».
«Technična ŭ prahramu pakul možna zahruzić tolki vynik PŁR-testa z łabaratoryj, padklučanych da sistemy, a QR-kody na biełaruskich siertyfikatach vakcynacyi staroha ŭzoru zusim nie padychodziać praktyčna ni dla čaho, što źviazana z vyjezdam za miažu», — tłumačyć aŭtar błoha «Źbiraj zaplečnik» Maryna Ziulikava.
Adnak z 15 lutaha Ministerstva achovy zdaroŭja pačynaje vydavać siertyfikaty ab vakcynacyi novaha ŭzoru. Samaje hałoŭnaje novaŭviadzieńnie — na ich źjavicca QR-kod, jaki sčytvajecca prahramaj.
Dakumient možna budzie padhruzić u «Padarožničaju biez COVID-19» i jak minimum vykarystoŭvać u jakaści propusku dla naviedvańnia hramadskich miescaŭ u krainach, dzie takaja prahrama vykarystoŭvajecca.
Inšymi słovami, biełarusy zmohuć naviedvać kafe, restarany, muziei ŭ Maskvie, Sankt-Pieciarburhu i inšych haradach Rasii, dzie dla ŭvachodu patrabujecca QR-kod.
«Važna razumieć, što kali dla ŭjezdu zamiežnikam patrebny PŁR-test, to QR-kod nie admianiaje hetaje patrabavańnie — padkreślivaje aŭtar błoha.
— Naprykład, dla ŭjezdu ŭ Rasiju ŭsim zamiežnikam biez vyklučeńnia byŭ patrebny PŁR-test, tak jon pa-raniejšamu i patrebny. Hetaje patrabavańnie dziejničaje da taho času, pakul jaho nie admieniać, apublikavaŭšy adpaviedny dakumient».
Pavodle źviestak Minzdaroŭja, z 15 lutaha razam z novym farmatam siertyfikata ab vakcynacyi ŭ Biełarusi źjavicca adzinaja aŭtamatyzavanaja infarmacyjnaja sistema ŭliku asob, vakcynavanych suprać COVID-19.
Siertyfikat staroha ŭzoru budzie ličycca sapraŭdnym da ŭkazanaj na im daty. Siertyfikat novaha ŭzoru budzie afarmlacca pa žadańni hramadzian. Źviestki ŭ abaviazkovym paradku buduć unosicca ŭ infarmacyjnuju sistemu. Na čas jaje testavaj ekspłuatacyi budzie arhanizavanaja abmiežavanaja piłotnaja zona, a siertyfikaty buduć vydavacca biaspłatna. Płanujecca, što da 1 krasavika infarmacyjnaja sistema zapracuje pa ŭsioj Biełarusi.
Pakul siertyfikaty novaha ŭzoru možna budzie atrymać tolki ŭ troch miedycynskich ustanovach: 39-j haradskoj kliničnaj paliklinicy, 2-j haradskoj kliničnaj balnicy i Respublikanskim kliničnym miedycynskim centry kiravańnia spravami prezidenta.
Taksama pa žadańni hramadzian mahčyma budzie biaspłatna pieraaformić siertyfikat staroha ŭzoru na siertyfikat novaha.
Pasoł Sidarenka pakončyŭ z saboj, nie vytrymaŭ dopytaŭ KDB33
Pasoł Sidarenka pakončyŭ z saboj, nie vytrymaŭ dopytaŭ KDB
Krainy ES uzhadnili sankcyi ŭ dačynieńni da Biełarusi, kab zakryć samuju vialikuju ščylinu suprać Rasii1
Kamientary