MARH pra situacyju z cenami ŭ studzieni: Padaražali impartnyja tavary
Ministerstva antymanapolnaha rehulavańnia i handlu vykłała statystyku ab cenavaj situacyi na spažyvieckim rynku ŭ studzieni 2022 hoda. Pavodle hetaj statystyki, u studzieni 2022 hoda hadavy pryrost spažyvieckich cenaŭ skłaŭ 10,4 pracenta, u adnosinach da papiaredniaha miesiaca inflacyja skłałasia na ŭzroŭni 1,5 pracenta.
![](http://nashaniva.com/img/w732d4webp1/photos/z_2022_02/depositphotos_245378826_s-wf73b.jpg.webp)
Ministerstva aznačaje, što na 1-y kvartał štohod prypadaje kala 40 pracentaŭ pavieličeńnia ŭsiaho pryrostu cenaŭ za hod. U 2019 hodzie inflacyja za pieršyja try miesiacy skłała 2,6 pracenta (pry fakcie 4,7 pracenta pa vyniku hoda), u 2020 hodzie — 2,7 pracenta (7,4 pracenta), u 2021 hodzie — 3,8 pracenta (9,97 pracenta).
Asnoŭny ŭpłyŭ na pavieličeńnie spažyvieckich cenaŭ za hod, pa dadzienych ministerstva, akazała padaražańnie charčovych tavaraŭ, pieravažna miasa-małočnaj i płodaaharodninnaj hrupy. Hety faktar, jak śćviardžaje MARH, abumoŭleny rostam vydatkaŭ na vytvorčaść tavaraŭ z-za pavieličeńnia suśvietnych cenaŭ na syravinu i materyjały.
![](http://nashaniva.com/img/w732d4webp1/photos/z_2022_02/5t09cncadi6gpgw4qo9xkef19pa00w2z-eqc31.png.webp)
Miasa i miasapradukty za 12 miesiacaŭ padaražali ŭ pamiery kala 16,3 pracenta, małako i małočnyja pradukty — 7,3 pracenta. Pryrost cenaŭ na płodaaharodninnuju pradukcyju skłaŭ 23,8 pracenta za hod.
Adnačasova adznačajecca źnižeńnie cenaŭ na cukar i sol na 0,8 i 1,2 pracenta adpaviedna; zapavoleńnie rostu cenaŭ na marharyn da 4,8 pracenta (14 pracentaŭ u śniežni 2021 hoda), miedykamienty — da 9,6 pracenta (14,2 pracenta), alej — da 15,4 pracenta (19,9 pracenta), tytuniovyja vyraby — da 8,7 pracenta (13 pracentaŭ).
![](http://nashaniva.com/img/w732d4webp1/photos/z_2022_02/cs2kaluu8w3x0sy9599wok2lixatpmvx-ik16h.png.webp)
U studzieni ŭ paraŭnańni da papiaredniaha miesiaca MARH adznačaje padaražańnie tavaraŭ, jakija ŭ krainie nie vyrablajucca abo vyrablajucca ŭ niedastatkovaj kolkaści.
Krupy i babovyja pavialičylisia ŭ canie na 1,3 pracenta, abutak — na 1,4 pracenta, ryba i rybapradukty — na 1,8 pracenta, sadavina i harodnina — na 6,7 i 13,3 pracenta adpaviedna.
Takoje značnaje ŭzdaražańnie sadaviny i harodniny tłumačać tym, što ŭ chałodny pieryjad hoda harodnina ŭ krainie ci vyroščvajucca ŭ abaronienym hruncie, ci nie vyroščvajecca ŭvohule i musić impartavacca.
Adznačajecca taksama rost cenaŭ na kandytarskija vyraby i masła dy tłuščy (na 1,8 pracenta), miasa i miasapradukty (na 1,5 pracenta), małako i małočnyja pradukty (na 0,9 pracenta).
Kamientary