Biełaruś budzie padpisvać dakumienty ŭ ramkach ADKB, kali jany vyhadnyja dla krainy, zajaviŭ Alaksandr Łukašenka ŭ chodzie naviedvańnia Minskaj vobłaści 11 žniŭnia.
Biełaruś budzie padpisvać dakumienty ŭ ramkach ADKB, kali jany vyhadnyja dla krainy, zajaviŭ Alaksandr Łukašenka ŭ chodzie naviedvańnia Minskaj vobłaści 11 žniŭnia.
«Što da staršynstva abo padpisańnia dakumientaŭ, to heta naša prava, i my abaviazkova budziem padpisvać hetyja dakumienty, kali jany nam vyhadnyja. A tam ničoha kiepskaha dla nas niama. I toje pahadnieńnie pa Kalektyŭnych siłach apieratyŭnaha reahavańnia, jano absalutna ramačnaje. U nas buduć čaści, jakija my pa ahulnym rašeńni kaliści možam nakiravać u toj ci inšy punkt. Ale kali ja budu suprać — nichto ich nie nakiruje. Kali Rasija budzie suprać — ich vojski nichto nikudy nie nakiruje», — skazaŭ Łukašenka.
Pavodle jaho słoŭ, u tym, što Biełaruś pakul nie pryniała prapanovu ŭziać na siabie funkcyi staršyni ADKB, «niama nijakaha «vybryku» abo niejkich nieprystojnych pavodzinaŭ z boku Biełarusi adnosna našych sajuźnikaŭ».
«U nas narmalnaja pazicyja ŭ ADKB. Usie razumiejuć, što bieź Biełarusi ADKB nie być i nie budzie. Tamu jość niejkija chvalavańni, što, at, napeŭna, biełarusy ŭžo adyšli ad hetaj palityki. Nie. Intehracyja, narmalnaja intehracyja, my ni z kim nie chočam svarycca. My chočam być u miry i družbie i z Zachadam, i z Uschodam», — zajaviŭ Łukašenka.
Biełaruski kiraŭnik adchiliŭ mierkavańni, što na niefarmalnym samicie ADKB u Kyrhyzstanie na jaho akazvaŭsia nacisk z metaj padpisać pahadnieńnie ab stvareńni KSAR.
«Na mianie niemahčyma nacisnuć. Kali ty pasprabuješ mianie prycisnuć, to atrymaješ abaviazkova zvarotny efiekt, — zajaviŭ Łukašenka. — Skažu vam ščyra: byli sproby zadać mnie pytańnie (ja nie budu nazyvać proźviščy, sami zrazumiejecie). Ci padpiša Biełaruś dakumient pa stvareńni Kalektyŭnych sił apieratyŭnaha reahavańnia ADKB? Adkaz pramy: heta naša pytańnie, ja skazaŭ, heta majo pytańnie, i ja vyrašu, kali i što padpisvać. Ci prymie Biełaruś staršynstva ŭ ADKB, bo Maskva tam vykonvaje pakul… I hetaje rašeńnie budzie za mnoj. Karotki byŭ adkaz. I adrazu ž ja patłumačyŭ: toje, što ja nie pryjechaŭ u Maskvu na ADKB, heta ni ŭ jakim vypadku nie adnosicca da taho, što my suprać niejkich intehracyjnych pracesaŭ, u tym liku ŭ vajenna‑palityčnaj śfiery. Ale zadaju pytańnie: skažycie, što ja pavinien abaraniać u vas, u vas, u vas, za što pavinny hinuć maje chłopcy, kali raptam?.. Za što? Za toje, što mianie ŭ Rasiju na rynak nie puskajuć? Za toje, što ja nie mahu atrymać enierharesursy z Kazachstana, Tadžykistana, Rasii? Za toje, što mnie zahinajuć šalonuju canu? Našy chłopcy pavinny za heta hinuć? Miortvaja cišynia».
«Absalutna na mianie nie sprabavaŭ nichto nacisnuć, tamu što viedajuć, čym heta zakončycca, — padkreśliŭ Łukašenka. — Pytańni byli, heta naturalna.
Nu i było majo žorstkaje vystupleńnie nakont taho, što kali my źbirajemsia hinuć adzin za adnaho, to, chłopcy, davajcie nie budziem nakatvać adzin na adnaho. Davajcie nie budziem najazdžać. Davajcie budziem žyć, jak u adnoj dziaržavie, jak heta ŭ Jeŭrasajuzie. I zrazumiełaja tady sama struktura NATO, što jany vajujuć adzin za adnaho. Tam ža niama ni barjeraŭ, ni miežaŭ. Heta vyklučana. Tam mocnyja dapamahajuć słabym. A u nas usio naadvarot u hetaj situacyi».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary