«Skazaŭ ludziam u cyvilnym, što suprać vajny». U Smarhoni mužčyna vyjšaŭ na pratest adzin
Na antyvajennyja akcyi ŭ Minsku, ryzykujučy svabodaj, vyjšła niekalki tysiač čałaviek. Ale pratestavali ludzi i ŭ maleńkich haradach. Pra taki adzinočny pikiet u Smarhoni stała viadoma «Našaj Nivie».
Za pratest vajnie tam zatrymali 34-hadovaha Alaksieja Maroza.
Žančyna raskazvaje, što jaje muž byŭ u horadzie a 17-j hadzinie. Pisaŭ joj, što na vulicach vielmi mała ludziej. Uzmocnienaha patrula siłavikoŭ taksama nie nazirałasia.
«Niedzie ŭ 17.10 jon pryjšoŭ na płošču, sieŭ na łaŭku. Da jaho chutka padyšli ludzi ŭ cyvilnym. Zapytali: «Čaho tut siadziš?» Muž skazaŭ, što pratestuje suprać vajny», — dzielicca žančyna.
Ni simvoliki, ni płakataŭ u Alaksieja z saboj nie było.
Mužčynu advieźli ŭ miascovy IČU. Nakolki viadoma žoncy, jaho buduć sudzić pa administracyjnym artykule za adzinočny pikiet.
Čytajcie taksama:
Tysiačy ludziej u centry Minska pratestavali suprać vajny. Kala Minabarony skandavali «Nie vajnie!», a taksama «Słava Ukrainie!»
Vajna va Ukrainie. Dzień čaćviorty ANŁAJN
USU rajać žycharam Biełharadskaj vobłaści vyviešvać žoŭta-błakitnyja ściahi ci pisać BNR, kab paźbiehnuć atak dronaŭ2
Kamientary