«Nijakaja ziamnaja ŭłada nie zaścieraže ad Ctrašnaha suda». Śviatary RPC zaklikali spynić vajnu z Ukrainaj
Śviatary Ruskaj Pravasłaŭnaj Carkvy apublikavali adkryty list z zaklikam da prymireńnia i nieadkładnaha spynieńnia vajny va Ukrainie.
«Strašny sud čakaje kožnaha čałavieka. Nijakaja ziamnaja ŭłada, nijakija daktary, nijakaja achova nie zaścieraže ad hetaha suda. Kłapociačysia pra vyratavańnie kožnaha čałavieka, jaki ličyć siabie dziciem Ruskaj Pravasłaŭnaj Carkvy, my nie žadajem, kab jon źjaviŭsia na hety sud, niesučy na sabie ciažki hruz matčynych praklonaŭ. My nahadvajem, što kroŭ Chrystova, pralitaja Zbaŭcam za žyćcio śvietu, budzie pryniataja ŭ tainstvie Pryčaščeńnia tymi ludźmi, chto addaje zabojnyja zahady, nie ŭ žyćcio, a ŭ pakutu viečnuju.
Aŭtary lista zajavili, što «smutkujuć ab tym vyprabavańni», jakomu «niezasłužana» padvierhłasia Ukraina, i ličać, što ŭkrainski narod «pavinien rabić svoj vybar samastojna, nie pad prycełam aŭtamataŭ, bieź cisku z Zachadu ci Uschodu».
My z horyčču dumajem pra tuju prorvu, jakuju pryjdziecca pieraadolvać našym dzieciam i ŭnukam u Rasii i va Ukrainie, kab znoŭ pačać siabravać adzin z adnym, pavažać i lubić adzin adnaho».
Taksama śviatary źviarnuli ŭvahu na masavyja zatrymańni rasijanaŭ na antyvajennych akcyjach.
Na momant publikacyi hetaj naviny list padpisali 110 čałaviek, jość tam i biełarusy.
Kamientary