Biełaruski MZS kaža, što zabojstva biełaruskich dalnabojnikaŭ u Italii — fejk
«Heta paviedamleńnie — fejk, palicyja pravieryła, ni ŭ Bałońni, ni ŭ rehijonie ŭ cełym nie zafiksavanyja vypadki hibieli biełarusaŭ ni ŭčora, ni siońnia», — havorycca ŭ paviedamleńni.
Raniej źjaŭlałasia infarmacyja ab tym, što ŭkraincy nibyta napali na biełaruskich dalnabojnikaŭ na stajancy dla furaŭ u italjanskaj Bałońni i zabili ich.
«Zarezali pacana, jamu było 26 hadoŭ. Za što? Tamu što ŭ jaho prosta byli biełaruskija numary», — raspaŭsiudžvałasia videa, na jakim niejki čałaviek kazaŭ takija słovy. Pierad hetym išoŭ pakaz niejkaj bojki. U joj nibyta 11 ukraincaŭ napali na biełaruskich kiroŭcaŭ, u vyniku adnaho biełarusa zarezali, a druhoha — źbili da śmierci.
Paśla ŭsio heta aktyŭna raspaŭsiudžvałasia ŭ rasijskich praŭłasnych resursach, mahčyma, sa śviadomaj metaj uzbudzić nianaviść da ŭkraincaŭ z boku biełarusaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary