Abjadnanyja Arabskija Emiraty abiacajuć naroščvać abjomy zdabyčy nafty na fonie składanaj situacyi na enierhietyčnych rynkach u śviecie. Pra heta zajaviŭ dziaržsakratar ZŠA Entani Blinkien.
Pavodle słoŭ Blinkiena, była zroblenaja zajava, što Emiraty padtrymajuć pavieličeńnie zdabyčy, «kali sprava tyčycca APIEK+». Blinkien adznačyŭ, što heta dazvolić stabilizavać suśvietny enierhietyčny rynak.
Takim čynam Blinkien prakamientavaŭ paviedamleńni ab tym, što prync Saudaŭskaj Aravii Muchamied Ben Salman Al Saud i naśledny prync Abu-Dabi, namieśnik hałoŭnakamandujučaha ŭzbrojenymi siłami Abjadnanych Arabskich Emirataŭ Muchamied ben Zaid al Nachajan admovilisia kantaktavać z prezidentam ZŠA Džo Bajdenam pa pytańni zdabyčy nafty.
U vyniku majskija fjučarsy na naftu marki Brent na Łondanskaj biržy 9 sakavika adkacilisia z maksimumaŭ bolš čym na 10%, da $112,85 za baral.
7 sakavika nafta tarhavałasia kala $139 za barel, što było maksimumam z 2008 hoda.
Čytajcie taksama:
Kiraŭniki krain Piersidskaha zaliva admaŭlajucca hutaryć z Bajdenam padčas vajny va Ukrainie. Jany vystaŭlajuć adnu ŭmovu
Jeŭrasajuz pradstaviŭ płan poŭnaj admovy ad hazu, nafty i vuhalu z Rasii
Kab izalavać Pucina na suśvietnaj arenie, ZŠA pajšli na pieramovy navat ź Vieniesuełaj
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary