Kanfiskavana 130 fur, sotnia biełarusaŭ nie moža vybracca z-pad abstrełaŭ: biazradasny los dalnabojščykaŭ va Ukrainie
Učora my paviedamlali pra precedent kanfiskacyi adrazu 25 biełaruskich fur ukrainskim bokam u ramkach, svajho rodu, vajennaj kantrybucyi — pierasadzili za styrno ŭkrainskich kiroŭcaŭ, biełaruskija mašyny adpravilisia vykonvać zadačy ŭ intaresach ukrainskaha vojska. Ale toje tolki viaršynia šyrejšaj prablemy.
Čytajcie taksama: Pa zakonach vajennaha času: ukraincy kanfiskavali 25 biełaruskich fur pry sprobie vyjezdu z krainy
Jak nam stanovicca viadoma ciapier, u realnaści na vajennyja patreby kanfiskavana našmat bolš techniki razam z hruzami.
Upieršyniu masavyja kanfiskacyi biełaruskich fur pačalisia ŭ subotu, 5 sakavika: u Kovieli ŭkraincy zatrymali 21 furu, zatym u Čopie 32 fury. Užo potym 25 u Jahodzinie, a taksama byli inšyja adzinkavyja vypadki ŭ inšych miescach.
Ahułam nazyvajecca ličba da 130 kanfiskavanych mašyn.
Što adbyvajecca z hruzam? Kali hruz naležyć jeŭrapiejskim kampanijam, to ŭłaśnikam prapanujecca zabrać jaho inšym transpartam.
Acenačna, kala 300 biełaruskich dalnabojaŭ paśpieli vyjechać z Ukrainy razam z hruzam u pieršyja dni kanfliktu.
«Niekalki socień mašyn vyjechała praz Vystupavičy-Novuju Rudniu. Jany vyjechali sami, na technicy, tady jašče puskali», — kaža łahist.
Ale jašče z sotniu čałaviek zastajecca va Ukrainie. Ciapier kampanii, naplavaŭšy na hruzy, sprabujuć vyratavać hetych ludziej.
«Ciapier hałoŭnaja zadača i našaj, i inšych kampanij, jakija stracili techniku i hruzy, — heta vyvieźci z Ukrainy kiroŭcaŭ. Jany zastalisia tam biez mašyn, z kanfiskavanymi telefonami, ź nierabočymi bankaŭskimi kartami, sa snaradami nad hałavoj», — kaža «Našaj Nivie» mieniedžar adnoj z bujnych łahistyčnych kampanij.
Biełaruskija dalnabojščyki, jakich vajna zaśpieła va Ukrainie, abmieńvajucca paviedamleńniami ŭ zakrytaj supołcy ŭ vajbiery.
Bolšaść ź ich pieračekvajuć strašnyja časy tak: abjadnoŭvajucca hrupkami pa miescy znachodžańnia va Ukrainie, sprabujuć dapamahčy adzin adnamu.
Harady i miescy, dzie jany chavajucca, nieviadomyja, ludzi bajacca nazyvać svaje łakacyi, bo ciapier čas taki, što adnym słovam nie tamu čałavieku možna naklikać na svoj hruz maradzioraŭ, i nichto tabie ničym nie dapamoža.
«Nie možam vyjechać, bo litaralna snarady lotajuć nad hałavoj. Z mašyn źniali numary, chavajemsia, čakajem, pakul stanie paspakajniej», — kaža nam adzin z takich dalnabojščykaŭ.
«Słužyŭ u vojsku 20 hod, nie bačyŭ vajny, a tut źmianiŭ rabotu, vyjechaŭ — ubačyŭ. Prosta pierad mašynaj snarad padaŭ», — kaža inšy.
Tym časam, zastajucca niejasnymi pierśpiektyvy dvuch strašna paranienych biełaruskich dalnabojščykaŭ, jakija atrymali apioki ŭ vyniku rasijskaha ŭdara z terytoryi Biełarusi pa Karaścienie ŭ Žytomirskaj vobłaści.
Va Ukrainie, imavierna, zahinuli dva biełaruskija dalnabojniki. Bambili z samalotaŭ, što prylacieli ź Biełarusi
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary