Karystalnikam Facebook i Instagram ciapier možna zaklikać da hvałtu suprać rasijan ci da śmierci Pucina
Meta (matčyna kampanija Facebook i Instagram) dazvoliła žycharam niekatorych krain zaklikać da hvałtu suprać rasijan i rasijskich sałdat. Praŭda, hetaje praviła dziejničaje vyklučna tady, kali ŭ paviedamleńni havorycca pra ŭvarvańnie va Ukrainu, piša Reuters sa spasyłkaj na ŭnutranyja elektronnyja listy ab časovaj źmienie palityki raspalvańnia nianaviści.
Novaŭviadzieńnie budzie dziejničać dla žycharoŭ Armienii, Azierbajdžana, Estonii, Hruzii, Vienhryi, Łatvii, Litvy, Polščy, Rumynii, Rasii, Słavakii i Ukrainy. U kampanii zajavili, što heta nie budzie raspaŭsiudžvacca na rasijskich vajennapałonnych.
Akramia hetaha, Facebook i Instagram dazvolać karystalnikam z Polščy, Ukrainy i Rasii pisać pasty, «jakija zaklikajuć da śmierci prezidenta Rasii Uładzimira Pucina abo prezidenta Biełarusi Alaksandra Łukašenki», piša ahienctva. Takija zapisy nie buduć zabanienyja, kali jany nie niasuć u sabie inšych metaŭ i nie apisvajuć miescaznachodžańnie i mietad zabojstva. Na zapyty ab kamientaryjach Meta nie adkazała.
Meta taksama dazvolić «uschvalać» ukrainski bataljon «Azoŭ», što zvyčajna zabaroniena, adznačaje ahienctva. Ale pradstaŭnik kampanii Džo Osbarn raniej zajaviŭ, što takija pasty dazvolenyja «stroha ŭ kantekście abarony Ukrainy abo ich roli ŭ składzie Nacyjanalnaj hvardyi Ukrainy».
Paśla, praŭda, pres-sakratar Meta Endzi Stoŭn ŭdakładniŭ, što Facebook i Instagram nie dazvolać zaklikać da hvałtu suprać rasiejskich mirnych hramadzian. Ale pry hetym u kampanii paćvierdzili, što ŭ niekatorych krainach zakliki da hvałtu ŭ dačynieńni da rasijskich sałdat sapraŭdy nie buduć błakavacca.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary