U Biełarusi pryviali ŭ vykanańnie śmiarotny prysud, pakul spravu razhladaŭ Kamitet pa pravach čałavieka AAN
Pravaabaroncy paviedamlajuć, što ŭ Biełarusi pryviali ŭ vykanańnie śmiarotny prysud, niahledziačy na skarhu ŭ Kamitet pa pravach čałavieka ŭ AAN. Havorka pra Viktara Paŭłava, sud prajšoŭ jašče ŭ listapadzie 2019 hoda.
Mužčynu abvinavačvali ŭ zabojstvie dźviuch siaścior-piensijanierak, jakim jon časam dapamahaŭ pa haspadarcy. Jak vyśvietlili śledčyja, mužčyna pałkaj źbiŭ žančyn da śmierci, zabraŭšy z doma 179 rubloŭ. 30 lipienia 2019 hoda mužčynu prysudzili da vyšejšaj miery pakarańnia, piša Zerkalo.
Viktara Paŭłava zatrymali 3 studzienia 2019 hoda pa padazreńni ŭ ździajśnieńni zabojstva i kradziažy majomaści. U hety ž dzień jon padpisaŭ pryznalnyja pakazańni i byŭ źmieščany pad vartu. U lipieni 2019 hoda Viciebski abłasny sud prysudziŭ jaho da vyšejšaj miery pakarańnia, ale asudžany padaŭ apielacyju — Viarchoŭny sud Respubliki Biełaruś pakinuŭ prysud u sile.
Skarhu ŭ Kamitet AAN pa pravach čałavieka Paŭłaŭ padaŭ u 2020 hodzie: u joj zajavy ab prymianieńni katavańniaŭ u miescach pazbaŭleńnia voli, ab admovie ŭ dostupie da jurydyčnaj dapamohi i ab niespraviadlivym sudovym razhladzie. Kamitet zarehistravaŭ skarhu i pačaŭ padrychtoŭku jaje da razhladu, u toj ža čas nakiroŭvajučy ŭ Biełaruś prośby ab prypynieńni vykanańnia śmiarotnaha prysudu.
Infarmacyja ab mahčymym tajemnym vykanańni śmiarotnaha prysudu była z červienia 2021, ale jaje nijak nie kamientavali, niahledziačy na zapyty AAN. Niekatory čas tamu viciebski abłasny sud paviedamiŭ siamji Paŭłava, što mužčynu rasstralali, ale nie daŭ infarmacyju pra datu pakarańnia ci miesca, dzie pachavanaje cieła Viktara Paŭłava. Takaja praktyka nie addavać cieła paśla śmiarotnaha prysudu rodnym, isnuje ŭ Biełarusi jašče z časoŭ stalinskich represij.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary