Va Ukrainie na hety momant: pavietranyja ŭdary pa Zachodniaj Ukrainie, pierahrupiroŭka vojskaŭ pad Kijevam, a nastup buksuje
11 sakavika pad abstreły rasijskich vojskaŭ trapili ŭkrainskija harady, što znachodziacca daloka ad frontu. Tym časam vyhladaje, što naziemny nastup jašče bolš zapavoliŭsia.
Ranicaj rasijanie nanieśli rakietnyja ŭdary pa aeraportach u Ivana-Frankoŭsku i Łucku — haradach, jakija z samaha pačatku ŭvarvańnia redka traplali pad udar — tolki ŭ pieršy dzień. Try rakiety ŭdaryli ŭ abjekty ŭschodnieŭkrainskaha horada Dniapro. Jak paviedamlajuć miascovyja ŭłady, tam razburanyja žyły šmatpaviarchovik i dziciačy sadok, piša Wall Street Journal.
Zachad zadajecca pytańniem, ci nie aznačaje paŭza ŭ naziemnym prasoŭvańni rasijan, što tyja pierakidvajuć siły i rychtujucca da novaha ŭdaru, mahčyma, u kirunku Kijeva. Miarkujučy pa spadarožnikavych zdymkach, vialikaja kałona rasijskich vojskaŭ, što ruchałasia ŭ apošnija dni ŭ kirunku ŭkrainskaj stalicy, pierahrupavałasia i raśsiejałasia pa navakolnych lasach. Kampanija Maxar, što adsočvaje ruch kałony, zafiksavała manieŭry bronietankavych častak niedaloka ad aeraporta Antonaŭ u Hastomieli na paŭnočny zachad ad Kijeva. Ekśpierty Maxar taksama zaŭvažyli niekatoryja elemienty kałony kala vioski Łubianka za 60 kiłamietraŭ ad Kijeva.
Tym časam Kreml sihnalizuje pra płany pierakinuć bolš siłaŭ da svajoj zachodniaj miažy i pra hatoŭnaść pieramiaścić tudy tak zvanych «dobraachvotnikaŭ» ź Blizkaha Uschodu. Jak zajaviŭ siońnia rasijski ministr abarony Siarhiej Šajhu, bolš za 16 tysiač dobraachvotnikaŭ z hetaha rehijona hatovyja pajechać va Ukrainu, kab zmahacca na baku «DNR\ŁNR».
Zachodnich čynoŭnikaŭ usio bolš tryvožyć mahčymaść taho, što Maskva, płany jakoj sarvalisia, prymienić chimičnuju, bakteryjałahičnuju ci jadziernuju zbroju. Prezident Ukrainy Uładzimir Zialenski papiaredziŭ u svaim zvarocie, što Rasija rychtujecca da takoj eskałacyi, bo ŭ apošni čas Maskva raspaŭsiudžvaje ničym nie padmacavanyja zajavy pra toje, što ZŠA nibyta finansavali raspracoŭku bakteryjałahičnaj zbroi va Ukrainie. Hetyja zajavy Maskvy — fejk u čystym vyhladzie, pad jakim niama nijakaj faktałahičnaj asnovy.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary