Ukrainskaja raźviedka: Pucin rychtuje terakt na Čarnobylskaj AES, kab abvinavacić Ukrainu
Pavodle źviestak ukrainskaj raźviedki, prezident Rasii Uładzimir Pucin addaŭ zahad ab padrychtoŭcy terakta na Čarnobylskaj atamnaj stancyi, adkaznaść za jakuju prypiša Ukrainie.
Pavodle ŭkrainskaj raźviedki, rasijskija vojski sprabujuć stvaryć fejkavyja dokazy dla svajoj viersii datyčnaści ŭkraincaŭ da terakta na ČAES. «U pryvatnaści, u rajonie aeraporta Antonava ŭ Hastomieli zaŭvažyli rasijskija aŭtarefryžeratary, jakija źbirali cieły zahinułych ukrainskich bajcoŭ. Jość imaviernaść, što ich vydaduć za zabitych dyviersantaŭ u zonie ČAES», — śćviardžaje vyviedka.
Heta značyć, nie atrymaŭšy žadanaha vyniku ad naziemnaj vajennaj apieracyi i pramych pieramovaŭ, Pucin hatovy źviarnucca da jadziernaha šantažu suśvietnaj supolnaści dziela sastupak pa padtrymcy Ukrainy, havorycca ŭ relizie.
Ciapier ČAES poŭnaściu adklučanaja ad sistem manitorynhu Mižnarodnaha ahienctva pa atamnaj enierhii (MAHATE). Resurs najaŭnych dyziel-hienierataraŭ raźličany na 48 hadzin padtrymki pracy sistem biaśpieki.
Rasijanie admovilisia dać dostup da stancyi ŭkrainskim ramontnikam. Zamiest hetaha tudy, na zahad Alaksandra Łukašenki, zajšli «biełaruskija śpiecyjalisty». Siarod ich pad vyhladam atamnikaŭ uvachodziać i rasijskija dyviersanty dla arhanizacyi terakta, pieradaje raźviedka.
Siońnia na sustrečy z Pucinym Łukašenka zakranuŭ temu ČAES. Sens jaho vykazvańnia nie vielmi zrazumieły, ale na tle paviedamleńnia ŭkrainskaj vyviedki, nabyvaje novy sens.
«Ciapier my bačym, što ŭ Čarnobyli robicca. Vy mianie paprasili padvieści elektryčnaść, a im [Ukrainie] nie treba. Vy razumiejecie, im nie treba. I niachaj tam što zaŭhodna dziejecca, jany adpichvajucca. My siłaj padviali tudy elektryčnaść, jak ja i paabiacaŭ — da Čarnobylskaj stancyi», — skazaŭ jon.
Łukašenka pamiłavaŭ eks-kiraŭnika svajoj achovy Uciuryna6
Kamientary