Zasnavalnik rasijskaj sietki hramadskaha charčavańnia pry sychod «Makdonalds» z Rasii: My tak, jak jany, rabić nie ŭmiejem
Zasnavalnik rasijskaj sietki «Cieramok» Michaił Hančaroŭ u paście ŭ Fejsbuku raspavioŭ, čamu rasijanie nie zmohuć zrabić svoj «Makdonalds».
«Miesca «Makdonalds» ŭ Rasii, viadoma ž, nichto nie zojmie, bo anałahičnaha pa składanaści i sistemie biznesu ŭ Rasii ni ŭ kaho ciapier prosta niama. Nie zojmie jašče i pa toj prostaj pryčynie, što siaredni ček i košt straŭ u «Maku» zaŭsiody byli ekstremalna nizkija. Ale tut važna patłumačyć dźvie rečy:
1. «Makdonalds» pieršapačatkova sprajektavany technałahična jak biznes dla pracy pa ekstremalna nizkich koštach, heta svajho rodu dyskaŭntar. Zaŭvažcie, što «Makdonalds» mienavita sprajektavany, i mienavita technałahična.
2. «Cieramok» i inšyja pradstaŭniki rasijskaha biznesu nie stvaralisia jak kankurenty «Makdonalds», prosta tamu što my tak, jak jany, rabić nie ŭmiejem. Ni technałahična, ni z punktu hledžańnia mieniedžmientu i markietynhu. Možna nas za heta łajać, ale davajcie tady ŭžo łajać i našych navukoŭcaŭ za toje, što jany nie łaŭreaty Nobieleŭskich premij, i našych inžynieraŭ, što jany nie stvaryli ajfon u Rasii, i za mnohaje inšaje. Asabliva ŭražlivym, kab nie mučycca ad našaj adstałaści, prapanuju adrazu hałavoj ab ścianu bicca. Tolki nievuki ličać, što ŭsio heta možna voś tak sieści i stvaryć za 2-3 miesiacy abo za 2-3 hady. I jašče bolšyja nievuki ličać, što kali nie sknarničać i nie kraści, to i košty ŭ cieramkoŭ buduć nizkija, i ajfony ŭ krainie źjaviacca».
Michaił Hančaroŭ piša, što biznes nakštałt «Makdonalds»
«zjaŭlajecca za košt dziesiacihodździaŭ ciažkaj pracy sotniaŭ tysiač kiraŭnikoŭ, markietołahaŭ i inžynieraŭ, dy jašče i z dapamohaj stymulujučych raźvićcio (!) mier urada».
«Pakul u nas hetych mier niama ŭvohule. Navat naadvarot, tyja miery i režymy pracy, što jość, stymulujuć dehradacyju i zahnivańnie luboha bujnoha biznesu. Za ŭsie 32 hady ŭ biznesie ja nie bačyŭ nivodnaj sproby našaj dziaržavy dapamahčy i stymulavać raźvićcio biznesu. Mahčyma, u inšych halinach heta i było, ale za 32 hady ja z takimi mierami nie sutyknuŭsia», — piša viadomy rasijski biznesoviec.
«Makdonalds», jak i šmat inšych suśvietna viadomych kampanij, zajaviŭ pra svoj sychod z rasijskaha rynka z-za vajny va Ukrainie.
Na heta śpikier Dziarždumy Vałodzin zajaviŭ, što na miescy restaranaŭ «Makdonalds» pavinny być adkrytyja «U dziadzi Vani» z zachavanymi pracoŭnymi miescami, ale nižejšymi cenami.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary