Łahistyčnaja katastrofa i na ŭschodzie: Rasija nie vypuskaje sotni biełaruskich fur z tavaram, pastaŭščyki pradrakajuć deficyt techniki
Biełaruskija firmy sihnalizujuć «Našaj Nivie» ab hihanckaj prablemie, jakaja ŭtvaryłasia na miažy Rasii i Biełarusi. Praz uviedzienyja Rasijaj zabarony na vyvaz vialikaha pieraliku roznych tavaraŭ, na miažy stajać sotni fur, jakija viazuć tavary ŭ Biełaruś.
9 sakavika ŭ Rasii pačali dziejničać pastanovy №311, №312 i №313 «Ab uviadzieńni na časovaj asnovie dazvolnaha paradku vyvazu asobnych tavaraŭ za miežy terytoryi Rasijskaj Fiederacyi».
U dakumientach fihuruje hihancki śpis taho, što ciapier nielha vyvozić z Rasii. A tam draŭnina, sielskahaspadarčaja technika, a taksama turbiny, nasosy, ruchaviki, kandycyjaniery, ladoŭni, maraziłki, vohnietušycieli, posudamyjki, aŭtapahruzčyki, dailnyja aparaty, inkubatary, pralnyja mašyny, šviejnyja mašyny, takarnyja stanki, elektrabrytvy, mikrafony, smartfony, intehralnyja schiemy i hetak dalej.
Miarkujecca, hetyja zabarony byli pryniatyja pa dźviuch pryčynach: 1) va ŭmovach spynieńnia pastavak Rasija sama chutka akažacca ŭ situacyi impartnaha deficytu; 2) rasijanie nie chočuć dazvolić kampanijam, jakija spyniajuć dziejnaść na rynku RF, vyvieźci adtul svajo abstalavańnie.
Ale ŭsio heta niepasrednym čynam upłyvaje na Biełaruś, bo bolšaja častka luboj techniki, jakaja ŭ nas pradajecca, uvozicca ŭ krainu z Rasii, dzie znachodziacca centralnyja składy i pradstaŭnictvy brendaŭ.
Biznesmieny paviedamlajuć nam, što ciapier na miažy RF i RB sotni fur, jakija nie mohuć pravieźci tavar u Biełaruś.
Što nie mohuć pravieźci?
«Litaralna ŭsio, što ŭ śpisie, heta nie pierabolšvańnie, — kažuć pastaŭščyki. — Damovicca nie atrymlivajecca, choć my nibyta ŭ hetak zvanaj «sajuznaj dziaržavie». Kali jość siertyfikat ST-1 (ab vyrabie tavaru ŭ Rasii), to šaniec pravieźci 50 na 50. Kali ST-1 niama i viazieš toje, što raniej było zaviezienaje ŭ Rasiju z-za miažy, to 95% nie prachodzić».
«Faktyčna, ciapier dla Biełarusi zabłakavanaja bolšaja častka impartnaj techniki i dla pramysłovaha karystańnia, i dla piersanalnaha. Ź ES pastavak mała, z Rasii pastavić niama jak, čakajem deficytaŭ i kryzisu niepłaciažoŭ. Tamu što prastoj fur — vialikija hrošy, prastoj składaŭ — vialikija hrošy, a ŭ prodaž niama čaho puskać, spadziajemsia, što niejak vyrašycca, pakul što sumna», — reziumujuć imparciory.
Čytajcie taksama:
«Rasijanie ŭnačy pačali malavać litaru «Z» na mašynach». Što adbyvajecca na miažy, dzie zabłakavali 28-kiłamietrovuju čarhu fur
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj55
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary