Rasija i Biełaruś admaŭlajucca ad dalaraŭ va ŭzajemnych raźlikach za enierharesursy
Premjer-ministr Biełarusi Raman Hałoŭčanka raskazaŭ pra vyniki siońniašniaj sustrečy ŭ Maskvie z rasijskim kaleham Michaiłam Mišuścinym. Baki abmiarkoŭvali admovu ad dalara ŭ raźlikach za enierharesursy, impartazamiaščeńnie, restrukturyzacyju biełaruskaha doŭhu i inšyja pytańni.
Hałoŭčanka raskazaŭ, što Biełaruś i Rasija admoviacca ad dalara ŭ raźlikach za enierharesursy, usie raźliki buduć pravodzicca ŭ rasijskich rublach.
«My pryniali rašeńnie adviazacca ad dalara va ŭsich našych enierhietyčnych ŭzajemaraźlikach. Heta naturalnaje rašeńnie, u siłu viadomych abstavin niama nijakaha sensu bolš pryviazvacca da treciaj valuty. My daŭno pra heta kazali, i voś takoje rašeńnie pryniata. Jak havorycca, nie było b ščaścia, dy niaščaście pamahło», — zajaviŭ premjer.
Baki taksama abmierkavali biełaruskuju kredytnuju zapazyčanaść. Pa vynikach pieramovaŭ było vyrašana, što Rasija praviadzie jaje restrukturyzacyju, budzie taksama sumiesna prapracavanaja aptymalnaja cana na rasijskuju naftu.
«Pryniata rašeńnie pa restrukturyzacyi i rasterminoŭcy dziaržaŭnych kredytaŭ, jakija padavalisia Rasijskaj Fiederacyjaj, ab pieravodzie ich z valuty ŭ rasijskija rubli. U pryncypie, heta budzie prymianiacca da ŭsich našych pahadnieńniaŭ», — udakładniŭ Hałoŭčanka.
Kamientary