U Biełarusi na pačatku sakavika abnavili bazu nie zaniataha ŭ ekanomicy nasielnictva. U jaje ŭklučyli tych, chto nie zmoh paćvierdzić zaniataść za kastryčnik — śniežań minułaha hoda. Tym, chto trapiŭ u bazu i ŭ kaho jość va ŭłasnaści žyllo, pryjdziecca apłačvać pa poŭnych taryfach haz, aciapleńnie i haračuju vadu, piša Zerkalo.io.
Bazu abnaŭlajuć raz na try miesiacy. Kab nie patrapić u jaje z pačatku sakavika, treba było da 21 studzienia paćvierdzić zaniataść. Heta možna zrabić praz kamisiju pa kaardynacyi raboty pa sadziejničańni zaniataści.
Z tych, chto apynuŭsia ŭ bazie i ŭ kaho jość va ŭłasnaści žyllo, buduć pa «ekanamična abhruntavanych taryfach» spahaniać apłatu za hazazabieśpiačeńnie, aciapleńnie i haračuju vadu. Asabliva adčuvalnymi buduć płaciožki za apošnija dźvie pasłuhi, dla «utrymancaŭ» jany vyrastuć prykładna ŭ piać razoŭ.
Kali ŭ kvatery pražyvaje siamja ź niekalkich čałaviek i adnaho ź ich pryznajuć «darmajedam», to spažytyja ŽKP dzielacca na kolkaść zarehistravanych u žylli: pryznany «ŭtrymancam» apłačvaje svaju častku pavodle poŭnych taryfaŭ (pry ŭmovie, što jon — ułaśnik žylla), a astatnija, chto nie ličycca ŭ bazie, — pavodle lhotnych.
Jak daviedacca, ci ŭklučyli ŭ bazu
Dla hetaha treba źviarnucca ŭ «darmajedskuju» kamisiju pa miescy rehistracyi. Heta možna zrabić jak pa telefonie, tak i piśmova (zvyčajnym listom abo pa elektronnaj pošcie).
Druhi sposab — pahladzieć infarmacyju na Adzinym partale elektronnych pasłuh (košt pasłuhi — 42 kapiejki). Ale dla hetaha spatrebiacca łohin i parol, jakija možna atrymać u słužbie «adno akno» pa miescy žycharstva. Heta značyć, treba budzie schadzić u vykankam.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
Kamientary