Sud nad aktyvistam i błohieram pačaŭsia 10 sakavika. Praces, što prachodzić u Minskim abłasnym sudzie (vuł. Śviardłova, 3), zrabili zakrytym. U sieradu ab 11-j hadzinie — abviaščeńnie prysudu.
![](http://nashaniva.com/img/w732d4webp1/photos/z_2021_12/vinagradava211222-8vu95-y85xq.jpg.webp)
Paŭła Vinahradava abvinavačvajuć pavodle troch kryminalnych artykułaŭ:
— 130 (raspalvańnie rasavaj, nacyjanalnaj, relihijnaj abo inšaj sacyjalnaj varožaści),
— 342 (arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich),
— 387 (paklop u dačynieńni da prezidenta).
Błohier i aktyvist Pavieł Vinahradaŭ byŭ asudžany ŭ 2011 hodzie na 4 hady (ale vyjšaŭ a volu ŭ vieraśni 2011-ha).
Letam 2021 hoda Paŭła Vinahradava asudzili spačatku na 15, potym jašče na 30 dzion aryštu za emacyjny dopis u Fejsbuku, u jakim jon krytykavaŭ ideju vychadu na pratest 9 maja (ale sud uhledzieŭ u dopisie zaklik da niesankcyjanavanaj akcyi). Za toj ža dopis na jaho zaviali kryminalnuju spravu ab paklopie na Łukašenku. Praz 48 dzion Pavieł vyjšaŭ na volu.
Zatrymali jaho kančatkova 21 śniežnia, z taho času Pavieł znachodzicca za kratami.
Kamientary