Va Ukrainie adekvatnyja ludzi, i jany razumiejuć, što krainie nie być u NATA. Pra heta zajaviŭ prezident krainy Uładzimir Zialenski padčas vystupu pa videasuviazi pierad premjeram Brytanii Borysam Džonsanam i pradstaŭnikami krain, jakija ŭvachodziać u vajenny Abjadnany ekśpiedycyjny korpus.
Zialenski adznačyŭ, što choć raniej i išła havorka pra toje, što dźviery ŭ NATA adkrytyja, ciapier zrazumieła, što Ukrainie tudy nie ŭvajści.
«Zrazumieła, što Ukraina nie źjaŭlajecca členam NATA. My heta razumiejem, my adekvatnyja ludzi. Hadami my čuli pra nibyta adčynienyja dźviery, ale ŭžo pačuli taksama, što nam tudy nie ŭvajści. Heta praŭda, i heta treba pryznavać. Ja rady, što naš narod pačynaje heta razumieć i raźličvać na siabie i na našych partnioraŭ, jakija nam dapamahajuć», — zajaviŭ Zialenski.
Razam z tym prezident Ukrainy adznačyŭ, što Kijevu patrebnyja novyja farmaty ŭzajemadziejańnia z Zachadam i asobnyja harantyi biaśpieki.
Kamientary