Si Czińpin zajaviŭ, što krainy nie pavinny zachodzić tak daloka i sustrakacca na pole boju, a kryzis va Ukrainie — nie toje, što Kitaj chacieŭ by bačyć.
Pakul što viadoma tolki pra toje, što Si Czińpin zajaviŭ, što ŭkrainski kryzis — nie toje, što Kitaj chacieŭ by bačyć. Taksama kiraŭnik KNR ličyć, što ZŠA i Kitaj pavinny prykładać namahańni dla padtrymańnia hłabalnaha miru.
«Budučy pastajannymi členami Rady Biaśpieki AAN i dźviuma najbujniejšymi ekanomikami śvietu, my pavinny nie tolki nakiravać kitajska-amierykanskija adnosiny ŭ pravilnaje rečyšča, ale i ŭziać na siabie naležnuju mižnarodnuju adkaznaść i prykłaści namahańni dla miru i spakoju va ŭsim śviecie», — pryvodzić Centralnaje telebačańnie Kitaja słovy Si Czińpina.
Z amierykanskaha boku paviedamlajecca, što Bajden zaklikaje Si Czińpina vykarystoŭvać upłyŭ na Pucina dla spynieńnia vajennych dziejańniaŭ va Ukrainie.
Napiaredadni amierykanskaja administracyja paviedamlała, što Bajden pieraścieraže kitajskaha lidara ad vajennaj dapamohi Rasii i ad sadziejničańnia joj u abychodzie sankcyj — u advarotnym vypadku ZŠA hatovyja pryniać niejkija miery ŭ adkaz i suprać Kitaja.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant16
Kamientary