Zialenski parłamientu Izraila: Abyjakavaść zabivaje. Čamu vy nie chočacie nam pamahčy?
Siońnia prezident Ukrainy vystupiŭ z pramovaj, źviernutaj da parłamienta Izraila. Pramova była napoŭnienaja bolem i dakoram. Zialenski nahadvaŭ pra paraleli ŭ kolišniaj jaŭrejskaj i sučasnaj ukrainskaj trahiedyjaj, padkreślivaŭ, što rasijskija snarady i bomby padajuć i na miescy, śviatyja dla jaŭrejaŭ usiaho śvietu. Jon śćviardžaje, što jość tolki taki vybar: dapamahać ci być abyjakavymi. A pasiarednictva moža być pamiž dziaržavami, a nie pamiž dabrom i złom.
Asnoŭny źmiest pramovy Zialenskaha:
«My ŭ roznych dziaržavach i ŭ zusim roznych umovach. Ale pahroza ŭ nas adna — tatalnaje źniščeńnie naroda, dziaržavy, kultury i navat imia. Ja chaču, kab vy zadumalisia pra 24-ha lutaha, dzień pačatku ŭvarvańnia Rasii va Ukrainu. Hety dzień uvajšoŭ u historyju dvojčy, i abodva razy — jak trahiedyja dla ŭkraincaŭ i dla jaŭrejaŭ.
24 lutaha 1920 hoda była zasnavanaja NSDAP, partyja, jakaja zabrała miljony žyćciaŭ, jakaja źniščyła cełyja krainy. Praz 102 hady, taksama 24 lutaha, byŭ addadzieny zahad ab uvarvańni Rasii na terytoryju Ukrainy.
Hetaje ŭvarvańnie, jakoje zabrała tysiačy žyćciaŭ i jakoje zrabiła miljony ludziej vyhnańnikami. Našy ludzi ciapier raskidanyja pa śviecie, šukajuć biaśpieku, jak kaliści šukali i vy.
Pasłuchajcie, što kaža Kreml — tam hučać navat terminy, jakija hučali ŭ nacysckaj Hiermanii.
Padčas Druhoj suśvietnaj vajny heta nazyvałasia «kančatkovym vyrašeńniem jaŭrejskaha pytańnia». A ciapier u Kramli heta nazyvajecca «kančatkovaje vyrašeńnie ŭkrainskaha pytańnia».
Narod Izraila, ty bačyŭ, jak rasijskija rakiety ŭdaryli pa Babinym Jary, dzie pachavanyja bolš za sto tysiač achviar Chałakosta. U pieršy ž dzień ruskija snarady ŭdaryli pa horadzie Umań, jaki naviedvajecca dziasiatkami tysiač jaŭrejaŭ štohod.
Upeŭnieny, što kožnaje słova majho zvarotu ŭ vašych sercach adklikajecca bolem, ale ci možacie vy rastłumačyć, čamu my da hetaha času źviartajemsia da ŭsiaho śvietu pa dapamohu, navat da vas źviartajemsia pa vizu?
Abyjakavaść zabivaje, raźliki časta pamyłkovyja, a pasiarednictva moža być pamiž dziaržavami, a nie pamiž dabrom i złom.
Kožny viedaje, što vaša supraćrakietnaja abarona mahutnaja, vaša zbroja mocnaja, vy možacie adstojvać intaresy svajho naroda i vy možacie abaranić siońnia žyćcio ukraincaŭ, ukrainskich jaŭrejaŭ.
Možna doŭha pytacca, čamu vy da hetaha času nie dali zbroju abo čamu nie ŭviali sankcyi suprać Rasii? Ale heta budzie vaš vybar. Ciapier u vas jość vybar».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary