Ministr abarony ZŠA: Rasija istotna nie źmienić chod vajny hipierhukavymi rakietami
Ministr abarony ZŠA Łłojd Ościn miarkuje, što ŭžyvańnie Rasijaj hipierhukavych rakiet istotnaj roli ŭ vajnie suprać Ukrainy nie ihraje.
Ościn dadaŭ, što rasijskija vojski zatrymalisia na svaich pazicyjach i nie mohuć prasunucca dalej. Jon adznačyŭ, što ŭkrainskija vajskoŭcy efiektyŭna ŭžyvajuć vidy ŭzbrajeńnia, dadzienyja im zachodnimi partniorami.
Pa słovach Łłojda Ościna, prablema z rasijskimi vojskami — u pieršuju čarhu ŭ drennym kiraŭnictvie. «Sałdaty nie matyvavanyja», skazaŭ Ościn u intervju CNN. Armija Kramla paśpiachova madernizavałasia ŭ apošnija hady, ale jana «drenna kiravanaja».
Sa słoŭ Ościna, «niama ničoha horš dla arhanizacyi, čym drennaje kiraŭnictva, i heta mienavita toje, što tut pakazvajuć rasijanie».
U mnohich miescach, naprykład, na froncie ŭ Kijevie, rasijskaja armija ciapier vymušanaja abaraniacca. Dla hetaj mety łahistyka armii nie budzie funkcyjanavać, pakolki patrebna vajna inšaha maštabu. «Rasiejskaja armija ciapier nievierahodna ŭraźlivaja», — skazaŭ Ościn.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary