Instytut vajennych daśledavańniaŭ: Sprava idzie da doŭhaj i kryvavaj vajny
Niamiecki časopis Der Spiegel apublikavaŭ vyniki novaj spravazdačy amierykanskaha analityčnaha centra Institute for the Study of War. Hety centr vielmi intensiŭna sočyć za situacyjaj va Ukrainie, i jahony prahnoz nie raduje: sprava idzie da doŭhaj i kryvavaj vajny. Klučavyja vysnovy spravazdačy ŭ pierakazie Alaksandra Frydmana.
1. Rasijskija vojski nie prasoŭvajucca. Usio bolš vierahodnym ujaŭlajecca «kryvavy pat», a vajna budzie praciahvacca tydni ci navat miesiacy.
2. U vypadku «kryvavaha pata» nastupić situacyja, pry jakoj bajavyja dziejańni buduć praciahvacca, ale stanovišča na froncie kardynalna mianiacca nie budzie. Heta taja samaja situacyja, jakaja mieła miesca ŭ Pieršaj suśvietnaj vajnie na Zachodnim froncie.
3. Rasijanie pasprabujuć ustalavać palityčny kantrol nad zaniatymi terytoryjami, a va Ukrainu buduć adpraŭlenyja dadatkovyja reziervy.
4. Bambardziroŭki ŭkrainskich haradoŭ z metaj złamać supraciŭ nasielnictva praciahnucca, ale hetaja stratehija nie pryniasie rasijanam pośpiechu.
5. U Maskvie źmirylisia z dumkaj, što zaniać Kijeŭ nie atrymajecca, ale buduć praciahvać artyleryjskija ŭdary pa centralnaj častcy stalicy.
6. Kali rasijskim vojskam jašče i ŭdasca zaniać jaki-niebudź bujny ŭkrainski horad, to heta budzie Maryupal (dakładniej, toje, što ad jaho zastałosia). Mahčymyja praryvy ŭ kirunku Kryvoha Roha, Dniapra ci Zaparožža pacierpiać parazu.
7. Praciahnucca sproby zachapić Charkaŭ.
8. Bujnoha nastupleńnia pa ŭsim froncie nie čakajecca. Chutčej za ŭsio, prybudzie małoje padmacavańnie i ź jaho dapamohaj rasijskija vojski buduć sprabavać nastupać pa viadomych užo napramkach.
Ab ustupleńni biełaruskaj armii ŭ vajnu ŭ spravazdačy ničoha nie havorycca. Ale analiz stanu spraŭ robić jaho vielmi vierahodnym: Rasija vostra maje patrebu ŭ novych siłach.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary