Boeing 737, što vykonvaŭ 21 sakavika rejs pamiž kitajskimi haradami Kuńmin i Huančžou, raźbiŭsia ŭ harach. Prykmiet taho, što niechta z pasažyraŭ moh vyžyć, niama.
Samalot, što naležaŭ kampanii China Eastern Airlines, pačaŭ rezka hublać vyšyniu i ruchnuŭ u harach, paśla čaho pačaŭsia vialiki pažar. Katastrofa adbyłasia ŭ Huansi-Čžuanskim aŭtanomnym rajonie Kitaja, piša Daily Mail.
U sacsietkach raspaŭsiudzilisia videazapisy, jakija, jak śćviardžajecca, adlustroŭvajuć padzieńnie samalota. Na ich bačna, što ŭ chviliny pierad katastrofaj łajnier padaje amal viertykalna.
Siarod jaje mahčymych pryčyn ekśpierty nazyvajuć stratu kantrolu nad samalotam ci prablemy ŭ sistemie kantrolu, padzieńnie chutkaści, akt sabatažu ci prablemy z sensarami, vyklikanyja, naprykład, niaspraŭnaściu sistemy abarony ad lodu.
Kamientary