Na nastupnym tydni polski parłamient razhledzić papraŭki da zakonaŭ, jakija palepšać stanovišča biełarusaŭ-emihrantaŭ
1 krasavika adbyłasia druhaja sustreča rabočaj hrupy MUS pa vyrašeńni prablem biełarusaŭ, jakija žyvuć u Polščy. Z boku biełaruskich demakratyčnych sił na sustrečy prysutničali pradstaŭnica pa pravavych pytańniach Ofisa Śviatłany Cichanoŭskaj Kryścina Rychter, kiraŭnik jurydyčnaha departamienta Centra biełaruskaj salidarnaści (CBS) Volha Dabravolskaja i pradstaŭnik Nacyjanalnaha antykryzisnaha ŭpraŭleńnia Michaił Kiryluk, paviedamlaje kanał Śviatłany Cichanoŭskaj.
Sustreča była pryśviečanaja źmienam u zakanadaŭstva Polščy pa spravach inšaziemcaŭ, jakija musiać być nieŭzabavie ŭniesienyja. Ministerstva padrychtavała papraŭki ŭ zakon na asnovie prapanoŭ, padadzienych Ofisam i CBS na papiaredniaj sustrečy:
- Vydača humanitarnych viz na terytoryi Polščy;
- Mahčymaść atrymańnia śpiecyjalnaha vidu na žycharstva na termin da 3 hadoŭ u suviazi z humanitarnymi pryčynami. Taki vid na žycharstva praduhledžvaje dostup da rynku pracy;
- Vydača polskich prajaznych dakumientaŭ dla hramadzian Biełarusi z časovym vidam na žycharstva.
Źmieny ŭ zakanadaŭstvie buduć razhledžanyja ŭ parłamiencie na nastupnym tydni.
Kamientary