SBU zabaraniła ŭjezd žurnalistu ź Niderłandaŭ za raspaŭsiud fota rakietnych udaraŭ pa Adesie
Niderłandskamu žurnalistu Robiertu Dułmiersu zabaranili ŭjazdžać na terytoryju Ukrainy, bo nasupierak zabaronie jon raspaŭsiudžvaŭ fota rakietnych udaraŭ na terytoryi Adesy, paviedamili Suśpilnie ŭ SBU.
![](http://nashaniva.com/img/w732d4webp1/photos/z_2022_04/screenshot2022-04-03at211908-ozgfv.png.webp)
Papiarednie žurnalista pazbavili akredytacyi. Spačatku jon dobraachvotna pahadziŭsia źjechać z krainy i zajaviŭ, što razumieje vysunutyja da jaho pretenzii, a potym znoŭ sprabavaŭ patrapić na terytoryju Ukrainy nasupierak papiaredžańniu. Mužčynu zabaranili ŭjezd va Ukrainu na 10 hadoŭ.
Dułmiers, pavodle źviestak vydańnia «Detektar miedyja», prybyŭ va Ukrainu 1 sakavika praź mižnarodny punkt propusku Rava-Ruskaja.
Ranicaj 3 krasavika na svajoj staroncy ŭ Tvitary jon apublikavaŭ niekalki pastoŭ z vynikami rakietnych abstrełaŭ Adesy.
Kamientary