Daradca Bajdena: Rasija nieŭzabavie vylecić ź liku najbujniejšych ekanomik śvietu
U vyniku uviedzienych krainami Zachadu sankcyj rasiejskaja ekanomika, vierahodna, nieŭzabavie pierastanie ŭvachodzić u najbujniejšyja ekanomiki śvietu. Pra heta zajaviŭ daradca prezidenta ZŠA Džo Bajdena pa pytańniach nacyjanalnaj biaśpieki Džejk Salivan ŭ intervju vydańniu ABC News.
![](http://nnexpictures.fra1.digitaloceanspaces.com/img/w732d4webp1/photos/z_2022_04/8ae5bd3-gettyimages-1239748925-53w2r.jpg.webp)
«Kali pahladzieć na niezaležnyja prahnozy pa rasijskaj ekanomicy, to, vierahodna, u hetym hodzie jana ŭpadzie prykładna na 10—15% i pierastanie być adnoj z najbujniejšych ekanomik śvietu z-za ekanamičnaha cisku, jaki my na ich akazvajem», — skazaŭ Salivan.
Jon taksama dadaŭ, što ciapier ekanomiku Rasii štučna padtrymlivajuć miascovyja banki.
«Bankam rasijski ŭrad nie dazvalaje pradavać dalary klijentam. Takim čynam jany abaraniajuć rubiel. Ale heta maje vielizarnyja ekanamičnyja vydatki dla rasijskaj ekanomiki. My praciahniem ściskać rasijskuju ekanomiku, kab Rasija i Kreml adčuli bol ad taho, što jany zrabili va Ukrainie», — adznačyŭ jon.
Kamientary