Na poŭdni Biełarusi zabaranili naviedvać lasy — imavierna, tamu što jany zaminiravanyja rasijanami
Minlashas zakryŭ da naviedvańnia hramadzianami lasy ŭ Brahinskim, Łojeŭskim, Homielskim, Naraŭlanskim, Mazyrskim i Kalinkavickim rajonach. Abmiežavańni na naviedvańnie ŭviedzienyja ŭ Chojnickim, Rečyckim, Jelskim, Lelčyckim i Stolinskim rajonach.
Heta mahło b być ničym nie admietnaj historyjaj: zvyčajna zabarony i abmiežavańni ŭvodziacca na fonie viesnavych pažaraŭ praz padpały travy. Praŭda, jość śpiecyfika — ad hetaj źjavy pakutujuć nie tolki asobnyja rajony Homielskaj vobłaści, a kraina ŭ cełym. Tamu, naprykład, u anałahičnyja dni 2020-ha byli zakrytyja 72 rajony krainy.
Hod tamu lasy nie byli zakrytyja ŭ nivodnym rajonie. Karty pa miesiacach možna pahladzieć u siervisach zachoŭvańnia internet-infarmacyi.
Surazmoŭcy «Našaj Nivy» vykazvajuć zdahadku, što hetym razam zabarona na naviedvańnie lasoŭ stała vynikam padryvu na minie, pastaŭlenaj rasijskimi vajskoŭcami, dvuch supracoŭnikaŭ homielskaha ŭpraŭleńnia KDB. Jany vyjechali na miesca paśla taho, jak laśničy paviedamiŭ ab znojdzienych bojeprypasach, jakija pakinuli rasijanie.
Čytajcie detali tut: Dva aficery KDB padarvalisia na rasijskaj minie ŭ Homielskaj vobłaści
Razam z hetym u internecie źjaŭlajucca śviedčańni taho, što ŭnutranyja orhany zaklikajuć nasielnictva paŭdniovych rehijonaŭ zdavać zbroju i bojeprypasy, kali takija raptam buduć znojdzieny.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary