Piłot viertalota, jaki, jak mierkavałasia, moh adździalicca ad hrupy i źlacieć va Ukrainu, zahinuŭ
Učora va Uljanaŭskaj vobłaści Rasii byŭ pachavany rasijski vajenny lotčyk Cimur Kipčataŭ.
Jon zahinuŭ 4 krasavika 2022 hoda, piša telehram-kanał «Biełaruski Hajun».
Vydańnie robić vysnovu, što havorka idzie pra piłota źnikłaha viertalota, jaki vylecieŭ 4 krasavika ŭ składzie hrupy z 6 viertalotaŭ z vajennaha aeradroma «Ziabraŭka» (Homielskaja vobłaść) i ŭziaŭ kurs na vajenny aeradrom «Šatałava» (Smalenskaja vobłaść). Paśla jon adchiliŭsia ad kursu, syšoŭ u bok pierasiačeńnia miežaŭ Biełarusi, Rasii i Ukrainy i źnik.
U siecivie byŭ apublikavany radyjopierachop pieramovaŭ piłotaŭ hrupy rasijskich vajskovych viertalotaŭ i dyśpietčara: «812-j, ty hdie siejčas nachodišsia, skaži po-čiestnomu?… Timurčik, b***, skaži nam, požałujsta, po russkomu jazyku. Vy ostaliś tam ili niet?».
Mierkavałasia, što adzin ź viertalotaŭ moh ulacieć va Ukrainu, kab tam zdacca ŭ pałon dziela hrašovaj kampiensacyi.
Kamientary