Žurnalist-daśledčyk OSINTtechnical apublikavaŭ imavierna pieršyja fota rasijskaha krejsiera «Maskva» paśla taho, jak ŭ jaho trapili ŭkrainskija rakiety «Nieptun» u Čornym mory.
Žurnalist taksama adznačyŭ, što «isnuje razychodžańnie pamiž dataj fota 15.04 i dataj zatapleńnia 14.04».
Adno z fota zroblenaje z karabla, jaki, vierahodna prybyŭ na dapamohu fłahmanu Čarnamorskaha fłota. Na im vidać, što krejsier nachiliŭsia na levy bok.
«Ja nie mahu pravieryć sapraŭdnaść, ale heta krejsier kłasa «Słava», i ja nie dumaju, što chto-niebudź ź ich ź ich byŭ źniščany takim čynam».
Taksama nad pałubaj bačnyja dźvie kryžavanyja strui vady — heta moža śviedčyć ab tym, što tak albo sprabavali patušyć pažar, albo mahli adpampoŭvać z trumaŭ vadu, vykarystoŭvajučy pažarnyja hidranty jak pompy.
OSINTtechnical taksama ličyć, što «Maskva» hareła ŭnutry, pierš čym zatanuć, tamu što z bolšaści bačnych iluminataraŭ bačny mocny dym.
Ukraina śćviardžaje, što padbiła «Maskvu» rakietami «Nieptun». Rasija pryznała, što karabiel zatanuŭ, ale kaža, što heta adbyłosia paśla pažaru i štormu.
Čytajcie taksama:
«Dziadula stvaraŭ karabiel nie dla takich metaŭ». Unuk kanstruktara «Maskvy» pra samuju darahuju stratu vojskaŭ RF
Padbity ŭkraincami krejsier «Maskva» patanuŭ. Što heta značyć dla bajazdolnaści rasijskaj armii?
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary