Ciapier na pradpryjemstvie pracujuć nad tym, kab znajści alternatyvu rynku ES.
Pra heta ŭ efiry STV raspavioŭ staršynia kancerna «Biellespapierpram» Michaił Kaśko.
«My pavinny razumieć, što sankcyi nas nie mahli nie zakranuć, pakolki zvyš 40% ekspartu pradukcyi kancerna adpraŭlałasia na rynki Jeŭrapiejskaha Sajuza. My ŭ peŭnaj stupieni abmiežavanyja siońnia ŭ pastaŭkach tudy našaj pradukcyi. U suviazi z hetym nami byli raspracavanyja antysankcyjnyja prahramy. I ciapier my pracujem nad tym, kab znajści alternatyvu Jeŭrapiejskamu sajuzu», — skazaŭ Michaił Kaśko.
Jon adznačyŭ, što kancern daŭno naładziŭ supracoŭnictva z rasijskimi rehijonami i pradprymalnikami. «Asobnyja našy meblevyja fabryki, jakija va ŭsich na słychu, majuć raźvituju zbytavuju sietku pa ŭsich rehijonach Rasijskaj Fiederacyi, ułasnyja kramy. Paśpiachova naładžanaje supracoŭnictva ŭ pastaŭkach asobnaj syraviny, chimičnaj pradukcyi ŭ pieršuju čarhu. Pryjemna, što pieršaja mašyna z meblaj pajechała na Daloki Uschod, u Chabaraŭski kraj», — skazaŭ kiraŭnik kancerna.
Taksama jon dadaŭ, što «Biellespapierapram» daŭno pracuje na kitajskim rynku. Pa vynikach minułaha hoda ekspart u hety rehijon vyjšaŭ na 5-je miesca. «My daŭno pastaŭlajem tudy celułozu. Kitaj — adzin z najbujniejšych našych spažyŭcoŭ. I ciapier pracujem nad tym, kab pašyryć asartymient pradukcyi, jakaja pastaŭlajecca tudy. Užo pajšli pieršyja kantejniernyja ciahniki ź piłapradukcyjaj», — adznačyŭ Michaił Kaśko.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary