Minčuka, zatrymanaha na antyvajennaj akcyi, pierazatrymali i asudzili za łozunh «Słava Ukrainie» padčas pieršaha suda
44-hadovaha Ryhora Kamieniuka zatrymali 27 lutaha ŭ Minsku na antyvajennaj akcyii. Praz try dni sudździa Michaił Makarevič aryštavaŭ jaho na 14 sutak. Ryhor musiŭ vyjści na volu 13 sakavika, ale siłaviki pierazatrymali jaho pavodle art. 24.23 KaAP (niesankcyjanavanaje pikietavańnie).
Zhodna z pratakołam, «Kamianiuk, znachodziačysia ŭ hramadskim miescy — u administracyjnym budynku IČU Akreścina, vykryknuŭ «Słava Ukrainie»». Milicyjanty heta rascanili jak pikietavańnie, paviedamlajuć pravaabaroncy.
Ryhor paćvierdziŭ na sudzie, što sapraŭdy skazaŭ hety łozunh paśla vyniasieńnia sudom pastanovy pa minułaj administracyjnaj spravie, ale nie mieŭ palityčnaj mety, bo takim čynam pieradavaŭ svajakam, što ŭ jaho ŭsio dobra. Ale śviedka-milicyjant śćviardžaŭ, što «pavodziny, a taksama reakcyja prysutnych pobač z Ryhoram abjektyŭna śviedčyli pra palityčny matyŭ ździajśnieńnia prapavušeńnia».
U vyniku, sudździa Makarevič pryznaŭ Ryhora vinavatym i pakaraŭ 10-sutačnym aryštam.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary