Łukašenka zapatrabavaŭ u ministra justycyi da kanca hoda vyrašyć prablemu sa spahnańniem zapazyčanaści pa sudach
Alaksandr Łukašenka, prymajučy z dakładam ministra justycyi Siarhieja Chamienku, zapatrabavaŭ u poŭnym abjomie spahnać u biudžet zapazyčanaść pa sudovych rašeńniach, pieradaje karespandent BIEŁTA.
Na sustrečy ź ministram justycyi Siarhiejem Chamienkam Łukašenka pracytavaŭ dakład hienprakurora Švieda, u jakim toj paskardziŭsia, što pracent spahnańniaŭ składaje mienš za 10%, a pa «škodzie, naniesienaj dziaržavie», — tolki 3,6%.
«To-bok, atrymlivajecca, što pravaparušalniki pavinny biudžetu bolš za 300 młn rubloŭ, a faktyčna ź ich spahnana kala 11. U ciapierašnich składanych umovach dziaržava nie moža dazvolić sabie daravać takija daŭhi», — skazaŭ Łukašenka.
Jon zahadaŭ Chamienku da kanca hoda «ŭsio začyścić i zapatrabavać vykanańnia».
Kamientary