Rasijski rakietny ŭdar pa Adesie: zahinuli vosiem čałaviek, siarod ich trochmiesiačnaje dzicia
Vialikaja subota azmročanaja novym varvarstvam.
![](http://nnexpictures.fra1.digitaloceanspaces.com/img/w732d4webp1/photos/z_2022_04/2022-04-23174010-brpij.jpg.webp)
Znojdzienyja jašče 18 paranienych. Ratavalniki praciahvajuć raźbirać ruiny, paviedamiŭ kiraŭnik Administracyi prezidenta Ukrainy.
Rakiety byli vypuščanyja z akvatoryi Kaśpijskaha mora. Dźvie ź ich źbiła supraćpavietranaja abarona, jašče dźvie ŭdaryli pa žyłym domie i abjekcie infrastruktury.
Adnačasova ŭdary byli naniesienyja i pa Dniapry. Častku rakiet tam źbili, adna ŭzarvałasia na ŭskrajku pryharadnoj vioski, utvaryŭšy 4-mietrovaj hłybini varonku i pierabiŭšy hazapravod nizkaha cisku.
Ministerstva abarony Rasii zajaŭlała pra poŭnaje źniščeńnie ŭkrainskaj supraćpavietranaj abarony jašče ŭ pieršy dzień vajny. Paśla Maskva paŭtarała tuju ž zajavu niekalki razoŭ. Adnak ukrainskaja SPA nie tolki nie dazvalaje rasijskaj avijacyi zalatać unutr krainy, ale i zachoŭvaje zdolnaść źbivać kryłatyja rakiety.
Usiaho za čas kanfliktu Rasija vypuściła pa Ukrainie bolš za 2000 kryłatych i balistyčnych rakiet, vialikuju častku ź ich — z terytoryi Biełarusi.
Kamientary