U ciełach zabitych u Bučy i Irpieni znajšli fłešety — maleńkija mietaličnyja drociki, jakija ŭžyvali padčas Pieršaj suśvietnaj vajny
Dziasiatki mirnych žycharoŭ, jakija zahinuli ŭ rajonie Bučy i Irpienia padčas akupacyi hetych terytoryj rasijskimi vojskami, byli zabityja fłešetami, piša «Miaduza» sa spasyłkaj na The Guardian.
U pryvatnaści, fłešety ŭkrainskija sudmiedekśpierty znachodzili ŭ hałovach i hrudnych kletkach zahinułych.
Fłešety — heta mietaličnyja drociki daŭžynioj 3-4 santymietry. Ich układvajuć tysiačami ŭ artyleryjskija ci tankavyja snarady (u adzin snarad źmiaščajecca da vaśmi tysiač fłešet). Paśla razryvu snarada fłešety raźlatajucca na 100-300 mietraŭ.
Fłešety byli prydumanyja na pačatku XX stahodździa i ŭžyvalisia padčas Pieršaj suśvietnaj vajny. Paśla vajny ŭ Vjetnamie ich pierastali šyroka vykarystoŭvać u vajennych kanfliktach. Fłešety nie zjaŭlajucca zabaronienaj zbrojaj, ale ich vykarystańnie ŭ hustanasielenych rajonach parušaje humanitarnaje prava.
Ab vykarystańni fłešet u Bučy 18 krasavika raskazała amierykanskaje vydańnie The Washington Post. U kamandavańni suchaputnych vojskaŭ Ukrainy tady zajavili, što ŭkrainskaja armija nie vykarystoŭvaje snarady z fłešetami.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary