Ułada

HUBAZiK časova zastaŭsia biez načalnika, Paršyna pieraviali ŭ inšy departamient kašmaryć siłavikoŭ

Kiraŭnik HUBAZiKa pałkoŭnik Andrej Paršyn pieraviedzieny na hienieralskuju pasadu ŭ Departamient zabieśpiačeńnia apieratyŭna-vyšukovaj dziejnaści (DZAVD), jaki zbolšaha zajmajecca kantrolem samich siłavikoŭ. Raniejšaha načalnika DZAVD Maksima Mironava paśla šerahu pravałaŭ pieraviali na mienš značnuju pasadu.

Andrej Paršyn

Jak stała viadoma «Našaj Nivie», miesiac tamu źmianiŭ miesca raboty Andrej Paršyn — kiraŭnik Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS. 

Jaho pieraviali ŭ Departamient zabieśpiačeńnia apieratyŭna-vyšukovaj dziejnaści. Heta hienieralskaja pasada.

U HUBAZiKu 48-hadovy Paršyn adpracavaŭ trochu bolš za hod — z 8 studzienia 2021-ha. 

Hetyja kadravyja pierastanoŭki paćvierdziŭ Bypol u svaim novym videa.

Zapisy pieramovaŭ vysokapastaŭlenych siłavikoŭ, zroblenyja DZAVD, stali zdabytkam hramadskaści, ich apublikavali «Kibierpartyzany», a krynicami, imavierna, byli aficery-sabatažniki. Mnohija čakali, što ŭ vyniku načalnik DZAVD hienierał-major Maksim Mironaŭ budzie aryštavany ci prynamsi zvolnieny z MUS, ale jaho prosta pieraviali na mienš značnuju pasadu namieśnika kiraŭnika Departamienta achovy.

Maksim Mironaŭ

Surazmoŭcy «Našaj Nivy» źviazvajuć pavyšeńnie Paršyna ź jaho acenkaj jak «enierhičnaha rabotnika» i z žadańniem uzmacnić kantrol za siłavikami, na fonie rasijska-ŭkrainskaj vajny. 

Adna z hałoŭnych śfier dziejnaści DZAVD — kantrol i prasłuchoŭvańnie supracoŭnikaŭ unutranych orhanaŭ.

Paršyn pačynaŭ svaju słužbu ŭ HUBAZiKu, a paśla niejki čas pracavaŭ načalnikam słužby ŭnutranaj biaśpieki MUS. 

HUBAZiK z upraŭleńnia pa baraćbie z arhanizavanaj złačynnaściu pieratvaryŭsia ŭ palityčnuju palicyju, jakaja represuje palityčnych praciŭnikaŭ režymu Alaksandra Łukašenki. Andrej Paršyn byŭ adnoj z klučavych fihur hetaj transfarmacyi.

Paśla napadu Rasii na Ukrainu na HUBAZiK byli ŭskładzienyja zadačy zadušeńnia antyvajennych pratestaŭ, spynieńnia sabatažu na čyhuncy i identyfikacyja hramadzian, jakija pierasyłajuć u niezaležnyja telehram-kanały infarmacyju ab pierasoŭvańniach rasijskich vojskaŭ. 

Aficery struktury zapisvali videa z zatrymanymi pa palityčnych pryčynach, a paśla jaho pakazvali na fonie płakataŭ ź litaraj Z.

U źviazanych z HUBAZiKam kanałach pry Paršynie viałasia adkrytaja prapahanda rasijskaha impieryjalizmu i nahniatałasia nianaviść nie tolki da ludziej ź inšymi pohladami, ale i da biełaruskaj movy, inšych jeŭrapiejskich nacyj i ŭsiaho niaruskaha. 

U cełym pry Paršynie HUBAZiK adyhryvaŭ centralnuju rolu ŭ razbureńni biełaruskaj dziaržaŭnaści: ź jaho ŭdziełam byli vyniščanyja palityčnyja struktury, niezaležnyja ŚMI, kultura, biznes, dziasiatki tysiač čałaviek pakinuli radzimu. 

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Biełarusi maroz — čynoŭniki dastali svaje šapki ŠMAT FOTA18

U Biełarusi maroz — čynoŭniki dastali svaje šapki ŠMAT FOTA

Usie naviny →
Usie naviny

U hetym słovie amal usie robiać pamyłku. Zapomnicie, jak pravilna8

U kamandzie Trampa vystupajuć za adjezd Zialenskaha ŭ Francyju — New York Post31

Mužčyna raspyliŭ piarcovy bałončyk u aŭtamabil siamiejnaj pary1

Pamierła viadomaja ŭ 1990-ch prapahandystka Nina Čajka8

Stała viadoma, chto ŭznačaliŭ minski AMAP zamiest Bałaby. Heta skandalny hieroj telefonnych źlivaŭ11

U Biełarusi i polus choładu źmiaściŭsia, i tempieraturny antyrekord nie byŭ pierabity1

U Minsku sudziać žurnalista Ihara Iljaša — muža palitźniavolenaj Kaciaryny Andrejevaj1

Dziaržsakratar ZŠA zajaviŭ, što Tramp «vielmi zasmučany praź Zialenskaha»14

«Režym pavinien vyzvalić usich palitviaźniaŭ i spynić ich pieraśled». APK zrabiŭ zajavu pa sankcyjach i vyzvaleńni palitviaźniaŭ6

bolš čytanych navin
bolš łajkanych navin

U Biełarusi maroz — čynoŭniki dastali svaje šapki ŠMAT FOTA18

U Biełarusi maroz — čynoŭniki dastali svaje šapki ŠMAT FOTA

Hałoŭnaje
Usie naviny →

Zaŭvaha:

 

 

 

 

Zakryć Paviedamić