Fota: sacyjalnyja sietki
Marharycie 28 hadoŭ. U 2017 hodzie jana skončyła pryvatny Instytut kiravańnia i pradprymalnictva, advučyłasia na ekanamista-mieniedžara.
Letaś Marharyta pracavała ŭ kazino. Paśla prajšła kursy UI\UX-dyzajnu i šukała pracu pa hetaj śpiecyjalnaści.
«Užo na pieršych zaniatkach ja zrazumieła, što heta toj momant, kali vočy harać i chočacca raści, raźvivacca i stanavicca prafiesijanałam», — pisała jana ŭ reziume.
Dziaŭčynu zatrymali 28 lutaha padčas antyvajennaj akcyi. Jak piša «Viasna», pryčynaj stała toje, što jana sihnaliła ŭ mašynie. Paśla ŭ Śledčym kamitecie ŭ telefonie Marharyty znajšli videa z pratestaŭ za 2020 hod.
Dziaŭčynie pradjavili abvinavačvańni pa artykule 342 Kryminalnaha kodeksu («arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak»).
***
Padtrymać Marharytu možna listom na nastupny adras:
SIZA-1, h. Minsk, vuł. Vaładarskaha, 2, 220030,
Błaško Marharycie Siarhiejeŭnie.
Čytajcie taksama:
Sapieha adpraŭlajuć u kałoniju na 6 hadoŭ, niahledziačy na supracu jaje i Pratasieviča sa śledstvam
Jak žonka Sašy Filipienki dakazała maci, što ŭ Rasii nielha być za mir. «Maša kupiła bilet Łondan — Pieciarburh»
