U ZŠA ličać, što situacyja vakoł Ukrainy budzie ŭrehulavana dypłamatyjaj
U ZŠA na fonie rasijska-ŭkrainskaj vajny zrabili deeskałacyjnuju zajavu.
Złučanyja Štaty miarkujuć, što situacyja vakoł Ukrainy budzie ŭrehulavanaja z dapamohaj dypłamatyi. Z takoj zajavaj vystupiła ŭ aŭtorak na rehularnym bryfinhu pres-sakratarka Biełaha doma Džen Psaki.
«My, zrazumieła, ličym, što heta budzie ŭrehulavana z dapamohaj dypłamatyčnaha pracesu, z dapamohaj dypłamatyčnaha rašeńnia», — skazała aficyjny pradstaŭnik amierykanskaha lidara, kamientujučy situacyju vakoł Ukrainy.
Hetuju zajavu možna ličyć deeskałacyjnaj, bo raniej amierykanskaja administracyja rabiła našmat bolš žorstkija zajavy adnosna Rasii.
Hetamu papiaredničała deeskałacyjnaja zajava Maskvy, što jadzierny ŭdar vyklučany, a taksama abciakalnaja i našmat mienš ahresiŭnaja, čym čakałasia, pramova Pucina padčas paradu 9 maja na Krasnaj płoščy ŭ Maskvie. Mnohija čakali, što Pucin abvieścić mabilizacyju, ci kančatkova nazavie «śpiecapieracyju» vajnoj, ci prymie tak zvanyja «respubliki Danbasa» ŭ skład Rasii, ale hetaha nie zdaryłasia.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary